Dennis Gansel
Dennis Gansel, ganet d'ar 4 a viz Here 1973 e Hannover, zo ur filmaozer hag ur skrivagner senario alaman.
Buhez hag oberoù
kemmañEtre 1987 ha 1993 e voe Gansel war ar studi en Tellkampfshule en Hannover, a echuas gant an Abitur (ar vachelouriezh alaman). Er bloavezhioù 1993 betek 1995 e reas e goñje nannsoudard. Eus 1994 betek 2000 e voe war ar studi e Skol-Uhel ar Skinwel hag ar Sinema e München.
Ar film berr The Wrong Trip a voe e film kentañ er bloavezh 1995. E 1999 e leurennias e film hir kentañ, Das Phantom, a zo anezhañ ur thriller politikel en-dro d'an RAF gant Jürgen Vogel er roll pennañ, hini un enklasker polis. Dikouezet e voe ar film er skinwel e 2000, hag en-tu-hont d'an dasson bras-meurbet a gavas er c'hazetennoù e voe loreet gant tri Adolf-Grimme-Preis zoken. E gammed kentañ a reas er sinema e 2001 gant Mädchen, Mädchen.
Er bloavezh 2008 e teuas e film Die Welle er-maez e salioù sinema Alamagn. Diskouezet e voe ar film er Sundance Film Festival 2008 er rummad "World Cinema – Dramatic" met trec'het e voe gant degasadenn ar Svedad Jens Jonsson, "Ping-pongkingen". Gounit a reas an Deutscher Filmpreis en arem er rummad gwellañ film hir alaman avat.
Filmadurezh
kemmañ- 1995 : The Wrong Trip (film berr)
- 1996 : Living Dead (film berr)
- 1998 : Im Auftrag des Herren (film berr)
- 1999 : Das Phantom (evit ar skinwel)
- 2001 : Mädchen, Mädchen
- 2004 : Napola – Elite für den Führer
- 2008 : Die Welle
Enorioù
kemmañ- Bayerischer Filmpreis 2005 evit Napola
- Bundesfilmpreis 2003 ar gwellañ senario nann filmet evit "NAPOLA – Elite für den Führer"
- Adolf-Grimme-Preis evit "Das Phantom"
- Deutscher Filmpreis 2008 en arem evit "Die Welle" (rummad ar gwellañ film hir)