|
[[Restr:Siyer-i Nebi 151b.jpg|200px|thumb|MohammedMahomed dirak ar [[Kaba|C'haba]]]]
'''MohammedMahomed''' (محمد en [[arabeg]], ''Muḥammad'') ([[Mekka]] [[571]], [[Medina]] [[632]]) eo diazezer an [[Islam]], hag evit ar ar pep brasañ eus ar vuzulmaned ez eo [[profeded|profed]] diwezhañ o [[doue]], [[Allah]]<ref>Holl ar Vuzulmaned ne sellont ket ouzh MohammedMahomed evel ar profed diwezhañ. Da skouer, ar gumuniezh vuzulman Ahmadiyya a soñj ez eo [[Mirza Ghulam Ahmad]] ur profed ivez. (sellet ouzh "Finality of Prophethood", Hadhrat Muhammad (PUBH) ''the Last Prophet''. Ahmadiyya Muslim Community. http://www.alislam.org/books/truth/finality.html. ) </ref>, evel ma'z eo lavaret er [[koran|C'horan]]. Anvet eo ivez '''Mohammed ibn Abdullah''' a-wezhioù er mammennoù a lavar ivez alies e oa lesanvet "Al-Amin" en e yaouankiz, ar pezh a dalvez "onest, gwirion"<ref>Ernst (2004), p. 85</ref>.
== Yaouankiz ==
Ganet e voe MohammedMahomed e Mekka e 570 pe 571 e meuriad ar g[[Koraichi]]ed.
Mab [[dalif]] e oa hag e vamm a varvas pa oa 6 vloaz. Savet e voe neuze gant e dad-kozh [[Abdel Mottalib]] ha goude gant e [[eontr]] [[Abou Talib]]. Mesaer deñved ha bleiner karavanennoù e voe MohammedMahomed a-raok mont da labourat evit [[Khadidja]], un [[intañvez]] pinvidik a euredas ganti nebeut goude, da 25 bloaz. Keit ha ma vevas Khadidja ne zimezas MohammedMahomed gant [[maouez]] all ebet.
== Gwelidigezh ==
[[Restr:Cave Hira.jpg|thumb|Mougev Hira]]
Bep bloaz e oa boaz MohammedMahomed da vont da brederiañ ur mizvezh-pad en ur vougev war dorgenn Hira, e-kichen Mekka. Eno e klevas ur vouezh a c'hourc'hemenne dezhañ da gomz en anv e grouer. Gwelet a reas ivez an [[arc'hael]] [[Gabriel]] a lavaras dezhañ meur a wech "Dibun".
Dre ma ne dave ket ar mouezhioù ha kendrec'het gant e wreg ec'h eas da brezegiñ dirak Mekkiz tri bloaz diwezhatoc'h (e 611). Ne reas ket berzh avat hag ouzhpenn d'e wreg ne zeuas a-benn da c'hounit d'e feiz nemet e genderv [[Ali]], mab Abou Talib. Goude-se e voe kendrec'het [[Said]], advabet gantañ hag [[Abou Bakr]], mignon ha kar dezhañ.
Tamm-ha-tamm e kreskas niver an dud tro-dro dezhañ, sklaved ha tud paour an darn vrasañ anezho. War an tu all e kreskas ivez e enebourien, uhelidi ha marc'hadourien binvidik, direnket gant e c'hoant da cheñch ar gevredigezh hag e rebechoù ouzh azeulerezh an idoloù.
E 615 e oa deuet da vezañ galloudus a-walc'h evit lakaat ar gKoraiched da gaout aon rak e levezon. 83 familh a-douez diskibled MohammedMahomed a voe skarzhet neuze diouzh Mekka, spi gant ar vrientinien da ziskar evel-se ar gevredigezh nevez. En aner e voe kar kenderc'hel a reas e bartizaned da greskiñ. D'ar mare-se eo e teuas [[Omar]] da vezañ e ziskibl.
Dre ma tremene an amzer e voe kendrec'het MohammedMahomed n'hallfe ket mont war-raok en abeg da atahinerezh an uhelidi. Mont a reas e darempred gant meuriadoù ha kêrioù all el ledenez. Un emglev a gavas gant annezidi [[Yathrib]] hag a asantas sentiñ ouzh e c'hourc'hemennoù ha paouez gant an [[idolatriezh]].
D'ar 24 a viz Gwengolo [[622]] e kuitaas MohammedMahomed Mekka : an [[Hidjra|Hejir]] a vez graet eus an divroadur-se. Ha penn kentañ an [[deiziadur muzulmat]] eo an deiziad-se.
== Medina ==
Gounezet e voe tud Yathrib d'an islam ha cheñchet e voe anv kêr e [[Medina]] (''Madinat an-Nabi'', ''Kêr ar profed'' en arabeg).
MohammedMahomed a oa neuze e penn ur relijion nevez koulz hag e penn ur gêr. E plas ur gevredigezh aozet diwar sistem ar meuriadoù e savas an [[Omma]] : kevredigezh ar feizidi.
M'en doa c'hoant MohammedMahomed da astenn e gredennoù hag e levezon e oa ret dezhañ brezeliñ ouzh Mekkaiz. Un nebeud mizioù goude an Hidjra e voe taget ur garavanenn a yae da vMekka gant muzulmaned. Daoust ma oa dister an trec'h-se e voe kalonekaet tud MohammedMahomed en o feiz gantañ.
E bloavezh 2 an Hidjra e klaskjont en-dro argadiñ ur garavanenn met sikour a zeuas eus Mekka evit ar varc'hadourien hag ur gwir emgann a voe etre 1.000 Mekkad ha 300 muzulman : [[Emgann Badr]]. Ur wech ouzhpenn e voe trec'h ar vuzulmaned.
Pa gendalc'he an emgannoù etre Medina ha Mekka e plede MohammedMahomed ouzh kudennoù diabarzh e gêr. Pa welas n'hallfe ket gounit yuzevien Medina d'e feiz e skarzhas o familhoù. Ar Banou-Koraiza, ar familh yuzev pennañ e Medina, a voe lazhet he gwazed ha gwerzhet maouezed ha bugale evel sklaved.
Levezon MohammedMahomed a greske el ledenez. Meuriadoù an dezerzh a zeuas da anavezout anezhañ evel penn [[Arabia]]. Uhelidi zo eus Mekka a reas kement all.
== Aloubidigezh Mekka ==
E bloavezh 8 an [[Hijra]] (war-dro miz Genver 630) ec'h eas tre e Mekka digudenn. Distrujañ a reas an idoloù en templ ha touchañ ar [[maen du]] en ur huchal ''Allah akbar'' (An hini brasañ eo Allah).
Diwar-se e teuas holl veuriadoù ledenez Arabia da douañ le da vMohammedvMahomed. Ha pa oa unanet al ledenez en ''Omma'' e oa tu hiviziken da soñjal strewiñ an islam en diavaez eus Arabia.
D'an 8 a viz Even 632 e varvas MohammedMahomed e Medina.
Beziet eo bet e moskeenn [[Al-Masjid an-Nabawi]] (moskeenn ar profed).
| 