Yann Kerlann : diforc'h etre ar stummoù

Ganet eo bet '''Jean Honoré Delalande''', '''Yann Gerlann''', e [[Vañde|Bro-Vañde]], e-lec'h ma oa e dad en arme, d'an 31 a viz Gouere 1910. Goude marv e dad Frañsez Loeiz Kerlann, abred goude, ez eas da vevañ da Vontroulez gant e vamm, Paolina Jozefina Kerbirioù. Aze e tremenas e skoliadur betek 1923. Ebarzhiañ a reas, da c'houde, skol gentañ-uhel Brest (1923-1927), eno e reas anaoudegezh gant [[Roparz Hemon]] ha [[Célestin Lainé]] ha kemer e gartenn en Unvaniezh Yaouankiz Vreizh pa oa oadet a 15 vloaz. ha mont a reas da Londrez da wellaat e saozneg, er Saint-Dustan College (1927-1928) . E 1932 e gemer ar gartenn er [[Strollad Broadel Breizh (1931-1944)|Strollad Broadel Breizh]].

 

===Kelenner===

Distroet da Vreizh e teuas da vezañ kelenner e [[Ploveur]] (1930), e Sant-Filbarzh [[Tregon]] (1931) hag e [[Kemperle]] (1932). Goude e amzer soudard, e kendalc'has da gelenn e skol [[Gwiglann|Wiglann]] (1933-1936), e Sant-Wennole [[Penmarc'h]] (1936-1941) hag e [[Kledenn-ar-C'hab]] (Kerzu 1941). Dastum a reas e-pad ar bloavezhioù-se kanaouennoù, kontadennoù, troioù-lavar ha gerioù eus ar parrezioù-mañ. Mignon bras e oa gant [[Yann Sohier]] (sikour a reas anezhañ da grouiñ « [[Ar Falz]] » e 1933) ha gant [[Armañs Keravel]]. Graet eo bet prizoniad e-pad ar brezel. Distroet da Vreizh, e miz Du 1942, e tigoras e [[Plistin]] ar c'hentañ skol e brezhoneg<ref>Kerlann, Skol Blistin, Mouladurioù ar Vro, 1960</ref> skoazellet gant [[Frañsez Kervella]]. Serriñ a reas ar skol e fin ar brezel rak koustañ a rae re ger dezhañ. Heskinet, bac'het ha barnet da chom er-maez eus an deskadurezh, ez eas da Bariz hag implijet e voe gant [[Air-France]], dre ma ouie meur a yezh. Aze e reas anaoudegezh gant [[Roger Gargadenneg]] ; e fin e vuhez, e kemeras perzh gantañ en « [[Kêr Vreizh]] » ha rener e voe e 1964.