Dobunni

An Dobunni a oa ur bobl vrezhon eus kreisteiz Enez Vreizh, a-raok aloubadeg ar vro gant ar Romaned. En em astenn a rae ar vro annezet ganto war ar pezh a zo bremañ Gloucestershire, kontelezh Bristol ha tammoù eus Somerset, Herefordshire, Oxfordshire, Worcestershire. Da vare an Impalaeriezh roman e oa Corinium Dobunnorum (Cirencester) o c'hêr-benn.

En-dro dezho e oa pobloù all : Cornovii ha Corieltauvi en hanternoz, Catuvellauni er reter, Atrebates ha Belgae er c'hreisteiz, Silures hag Ordovices er c'hornôg. Skeiñ a raent pezhioù arc'hant. Diwar o roudoù e c'haller soñjal e oa rannet o bro e div lodenn, bet unanet a-wechoù dindan ur roue hepken. War a seblant ne oa ket an Dobunni ur bobl vrezelgar ha ne glaskjont ket stourm kalz ouzh ar Romaned.

Anv

Rivet & Smith, p. 339-340

RIB 2250, maen-bonn eus amzer Numerian (283-284) : R(es) P(ublica) C(ivitatis) D(obunnnorum)
CIL XVI.49 : LUCCONI TRENI F DOBUNN = Lucco, mab Trenus, Dobunard (war dro 105)
Ptol. II, 3, 12 : DOBUNI; II; 3, 13 : DOBUNNIS
Cassius Dio LX, 20, 2 : BODUNNORUM
Ravenna 106₃₁ : CIRONIUM DOBUNORUM