Dugelezh Oldenburg
Dugelezh Oldenburg (en alamaneg : Herzogtum Oldenburg) a oa ur stad eus an Impalaeriezh santel, ha goude eus Kengevread ar Roen hag eus ar Kengevread alaman, hag a badas eus 1774 betek 1829, war-bouez ar bloavezhioù 1810-1815,pa voe staget ouzh an Impalaeriezh c'hall kentañ. Dre vras e klote gant douaroù aber ar Weser.
Istor
kemmañStaget e voe Dugelezh Oldenburg ouzh an Impalaeriezh c'hall d'an 13 a viz Kerzu 1810, ha rannet entre departamantoù gall nevez ar Bouches-du-Weser, an Ems-Supérieur, an Ems-Oriental hag ar Bouches-de-l'Elbe, a oa savet ivez gant tammoù eus meur a diriad alaman all.
Douaroniezh
kemmañDugelezh Oldenburg a oa anezhi
- kontelezh Oldenburg (en alamaneg : Grafschaft Oldenburg) ;
- kontelezh Delmenhorst (Grafschaft Delmenhorst) ;
- lodenn oldenburgat priñselezh eskobel Münster (Hochstift Münster) ;
- beliezh kozh Wideshausen (Amt Wideshausen) ;
- aotrouniezh Jever (Herrschaft Jever) ;
- aotrouniezh Varel (Herrschaft Varel) ;
- aotrouniezh Kniphausen (Herrschaft Kniphausen).
Pennad kar
kemmañ- Dugelezh-veur Oldenburg (1829-1918)