Eleonora de' Medici (1567-1611)

Ur pennad Eleonora de' Medici zo ivez.

Eleonora de' Medici, pe Eleonora di Francesco I de' Medici (1567-1611) a oa merc'h da Francesco Iañ de' Medici, dug-meur Toskana, ha da Janed Aostria.

Eleonora di Francesco I de' Medici.

Dimeziñ

E miz Ebrel 1584 e voe dimezet d'he c'henderv Vincenzo Iañ Gonzaga (un addimeziñ dezhañ goude torret e eured gant Margherita Farnese). Priñsez Mantova e voe neuze, hag e 1587, pan eas he fried da zug, e teuas-hi da vout dugez Mantova war un dro.

He bugale

Pieter Paul Rubens: Vincenzo I Gonzaga (en tu kleiz) ha Guglielmo Gonzaga (en tu dehou; part. della Pala della Trinità; Mantova, Palazzo Ducale).

C'hwec'h bugel o doe Vincenzo hag Eleonora :

• Francesco (1586-1612), Dug Mantova evel Francesco IV ha dug Monferrato evel Francesco II, adal 1612; dimezet e 1608 da Margherita, merc'h da Carlo Emanuele Iañ, dug Savoia;
• Ferdinando (1587-1626), kardinal adal 1607, dug Mantova ha Monferrato adalek marv e vreur Francesco e 1612;
• Guglielmo Domenico (1589 – 1591);
• Margherita (1591–1632), dimezet e miz Ebrel 1606 da Enrico di Vaudemont, dug Loren (1563 - 1624);
• Vincenzo (1594-1627) kardinal adal 1615, dug Mantova ha Monferrato adal 1626 evel Vincenzo II;
• Eleonora (1598–1655), dimezet e miz C'hwevrer 1622 da Ferdinand II an Impalaeriezh Santel.