Emgann Little Bighorn
Emgann Little Bighorn pe Custer's Last Stand pe c'hoazh Battle of the Greasy Grass e-kostez an Indianed Lakota hag Indianed ar plaenennoù a voe un emgann a c'hoarvezas etre Indianed Amerika hag arme ar Stadoù-Unanet d'ar 25 ha d'ar 26 a viz Even 1876, e-kichen ar stêr Little Bighorn e reter Montana e-kerzh ar Great Sioux War of 1876 ("Brezel meur ar re Sioux 1876").
| Emgann Little Bighorn | |||||||
|---|---|---|---|---|---|---|---|
| Tamm eus Great Sioux War of 1876 | |||||||
.jpg) | |||||||
| |||||||
| Emgannerien | |||||||
 Stadoù-UnanetTro 700 |  IndianedEtre 1 500 ha 2 500 | ||||||
| Pennoù-brezel | |||||||
| George A. Custer † Marcus Reno Frederick Benteen Myles Keogh † James Calhoun † | Sitting Bull Crazy Horse Chief Gall Lame White Man † Two Moon | ||||||
| Niver a emgannerien | |||||||
 7vet Marc'hegezh U.S. | Indianed | ||||||
| Kolloù | |||||||
| 268 lazhet 55 gloazet 6 marvet goude an emgann | 31 lazhet (136 d'an uhelañ) Betek 160 gloazet | ||||||
Diouzh tu an Amerindianed e oa meuriadoù Lakota ha Cheyenne o vrezeliñ asambles, pa oa ar 7vet rejimant marc'hegerezh diouzh tu an arme stadunanat.
An trec'h a yeas gant an Indianed, renet gant Sitting Bull, hag a bilas tud ar jeneral Custer.
An emgann a oa bet un trec'h meur gant ar meuriadoù Lakota, Cheyenne an norzh hag ar re Arapaho. E-penn an Indianed e oa meur a benn brudet gant Crazy Horse ha Chief Gall, bountet hag awenet gant hunvreoù Sitting Bull (Tȟatȟáŋka Íyotake).
Ar rejimant 7vet marc'hegerezh eus an US Army, ar Batailhon Custer en e douez, un nerzh a 700 soudard renet gant George Armstrong Custer, a voe trec'het garv. Pemp kompagnunezh diwar daouzek eus ar 7vet rejimant a voe lazhadeget. Ouzhpenn da-se, Custer a oa bet lazhet, gant daou eus e vreudeur, un niz dezhañ, hag ur breur-kaer.
Hollad ar c'holloù evit tu al lu stadunanat a voe 268 marvet, 55 gloazet don (6 a varvas diwar o gloazadennoù), e-touez ar c'holloù e voe pevar Indian sklêrijenner Crow ha daou sklêrijenner Pawnee.
Fromoù tud Stadoù Unanet Amerika a oa lies da geñver ar Great Sioux War, dreist-holl goude faezhadenn Custer. Gant an amzer o redek e troas Custer hag e soudarded da harozed, kenderc'hel a reas ar skeudenn-se betek ar bloavezhioù 1960. An emgann, ha dreist-holl kadoniezh Custer, zo bet studiet alies gant an istorourien.
