Faunus
Faunus, pe Faunus Lupercus, a oa doue kornek ar maezioù e mojennoù Roma an Henamzer, heñvelekaet ouzh Pan tud Hellaz (gant kemmadur p/f), hag unan eus ar re goshañ, an di indigetes.
.jpg)
Mab e oa da Picus, mab-bihan da Saturnus, ha tad da Latinus, roue al Latined, a oa mab d'e wreg Fauna), pa zegouezhas Eneas en Italia. Hervez skridoù zo avat e oa mab da Saturnus ha Kirke.
Doue ar maezioù e oa Faunus, pa oa Silvanus doue ar c'hoadoù. Diwaller ar chatal e oa Faunus dreist-holl, ha reiñ a rae dezho frouezhusted, neuze e veze graet « Inuus » anezhañ, o diwall a rae diouzh ar di, ha se zo kaoz e veze graet « Lupercus » anezhañ (eus Lupus: « bleiz ») neuze.
Gouest e oa da gas gwallhunvreoù d'an dud, hag Incubis (« gwallhunvre » a veze graet anezhañ ivez).
Diouganer
kemmañUn diouganer e oa ivez, hag en noz e kleved anezhañ oc'h embann orakloù. Se zo kaoz e veze graet Fatuus (an Diouganer) anezhañ ivez. E ziouganoù a deue en hunvre hag ar mouezhioù kevrinus a gleved er c'hoadoù pe bodoù nevet: ur c'hoad nevet a oa nepell diouzh Tibure hag unan all war ar menez Aventin.
Lupercales
kemmañEn enor dezhañ e veze lidet al Lupercales, d'ar 15 a viz C'hwevrer. En deiz-se e veze daouzek luperques, beleien Faunus, oc'h aberzhiñ ur bouc'h d'o doue e mougev Lupercal (e harz ar Menez Palatin) ma oa bet maget Romulus ha Remus gant ar vleizez. Neuze, gwisket gant kroc'hen ur bouc'h en-dro d'o dargreiz, ez aent da redek dre gêr Roma. Gant lêrennoù eus ur bouc'hken e skourjezent ar maouezed a-benn o frouezhusaat.
Eus Faunus d'ar faoned
kemmañAr faoned eo mibien Faunus, a zo bet heñvelekaet ouzh satired Hellaz.
Eus Faubus da Valentin
kemmañEn 496 e voe berzet al lid pagan-se gant ar pab Gelasius Iañ. E-lec'h se e tibabas Valentin Terni evel sant paeron an amourouzien ha danvez priedoù hag ec'h embannas e vefe enoret ganto d'ar 14 a viz C'hwevrer, a oa deiz gouel ar sant dija.
