Fauna

Fauna a oa gwreg Faunus, ha mamm an doue Latinus, unan eus roueed vojennel Latium, e mojennoù Roma an Henamzer. A-wechoù e lârer e oa c'hoar da Faunus, hag e oa Fatua hec'h anv. Diwall a rae ar gwragez da vezañ gaonac’h.

Doueezed all

Dindan an anv Fauna e lavarer a-wechoù emañ:

• Bona Dea, un doueez anvet Marica ivez, un nimfenn neuze, kontet a-wechoù da vezañ mamm Faunus, hag a-wechoù all gwreg Faunus (ha neuze mamm Latinus), pe c'hoar pe merc'h Faunus, met atav diwallerez ar merc'hed, ar werc'hded, ar strujusted,
• Ops, un doueez a orin sabin, doueez an douar hag ar strujusted,
• Terra (doueez), doueez an douar.