Nimfezed

(Adkaset eus Nimfenn)

An nimfenned pe nimfezed (Henc'hresianeg νύμφη, nýmphē) eo an anv hollek a rae tud Hellaz kozh eus doueezed an natur, ar mor, an dour, ar c'hoadoù, ar menezioù, ar saonennoù, ar reier, ar c'hevioù. Merc'hed yaouank eus ar re gaerañ e oant, atav noazh pe hanter diwisk, merc'hed da Zeus pe da Ouranos (an Oabl) anezho.

Nymfenn ar stêr, gant Herbert Draper.
Hilas hag an nimfezed, gant John William Waterhouse.
Nimfezed ha satir, gant William-Adolphe Bouguereau (1873).

Ganet e oant eus an andonioù a deue eus ar glav skuilhet gant mestr an doueed.

Stag int pe ouzh ul lec'h, pe ouzh un doue bennak (Dionysos, Hermes, Pan) ha pa vo ouzh un doueez e vo kentoc'h ouzh Artemis. Alies e vez satired war o lerc'h.

Alies ivez e vez meneget dimeziñ un nimfenn ha hini ur penn-lignez bennak en deus roet e anv d'ur bobl.

Perzhioù an nimfezedAozañ

Hervez tud Hellaz kozh o devoa galloud da strujusaat dre veskañ an aer hag an dour hag ar c'hoadoù. Madelezhus e oant ouzh an natur, hag ouzh an dud ivez. Gwareziñ a raent an dud yaouank a yae da gouronkañ da feunteunioù zo, da vezañ glanaet evit genel bugale.

Perzhioù all o doa c'hoazh:

  • diouganerezed e oant, lavarout a raent d'an dud klañv pe da vat pe da fall e troje o chleñved,
  • gouest e oant da reiñ, d'an dud a eve dour sakr o eien, c'hoant d'ober traoù kaer ha soñjoù uhel,
  • pareañ a raent kleñvedoù zo gant an dour-se ivez.

FamilhoùAozañ

Niverus e oant, ha renket e vezont e meur a rumm:

MojennoùAozañ

 
Nimfenn bleuniet he fenn, livet gant Jules Joseph Lefebvre.

Er mojennoù en o gweler o karout doueed pe tud, o c'henel harozed, hanter doueed, gourdadoù an dud. Boudiged an Henamzer int.

LivadurioùAozañ