Hermes

Hermes (Ἑρμῆς Hermễs e henc'hresianeg; Ἑρμᾶς Hermãs e gresianeg dorek) a oa un doue eus Hellaz kozh, mab da Zeus ha da Vaia, ha mab-bihan da Atlas. Klotañ a ra gant Mercurius ar Romaned.

Hermes Ingenui, eilenn roman (II^vet kantved kt JK) eus un delwenn c'hresian eus ar V^vet kantved kt JK, mirdi Pio-Clementino, Vatikan.

Unan eus doueed an Olympos eo. Doue ar c'henwerzh, gward an hentoù hag ar c'hroashentoù, ar veajerien, al laeron, ar chañs. Heñchañ a ra an harozed, kas a ra an eneoù d'an ifern, kannad an doueed (hini Zeus peurgetket) eo hag ijiner ar pouezioù hag ar muzulioù.