Fish and chips

Fish and chips ("pesked ha fritez"), skrivet ivez fish 'n' chips e saozneg, zo ur meuz a vez debret kalz e kêrioù bras Breizh-Veur. Ennañ e kaver un tamm pesk fritet, servijet gant avaloù-douar fritet ha chaous da zibab. Gant pesked gwenn e vez fardet, moru, azened, plais pe levneged.

Fish and chips, "pesked ha fritez", gwerzhet en un tamm paper kazetenn.

Un doare "meuz buan" eo (fast food), a c'haller debriñ war-sav er straedoù. E Breizh-Veur e vez debret dreist-holl, met kavet e vez ivez en Aostralia, Zeland Nevez, Iwerzhon, Stadoù Unanet Amerika, hag a-wechoù en arvor broioù all evel an Izelvroioù. Gwechall e oa ar boaz, e Breizh-Veur, da servijañ fish and chips en un tamm paper kazetenn, met bremañ e c'hall bezañ e doareoù all ivez.