Gae

Dizemglev war an dermenadurezh An nevezc'herioù a zo implijet er pennad-mañ a zo bet krouet a-ratozh-kaer. Ne vezont ket kavet er geriadurioù ordinal peurvuiañ eta, pe, a-wechoù dre abeg teknikel pe abeg resis, ne glot ket an termenadur anezho gant an termenadur boutin.

Dont a ra an termen gae diwar ar saozneg gay ("laouen,; bliv") hag implijet e vez evit ober dave d'un den heñvelrevel.

Implijet e veze e kampoù-bac'h an Nazied an tric'horn roz evit merkañ heñvelrevourion/ezed. Implijet e vez hiziv evel un arouez gae

Daoust ha ma c'hell bezañ implijet ar ger-mañ en un doare ledan d'ober dave d'un den heñvelrevel bennak, pe paotr pe plac'h e vefe, peurliesañ e vez implijet evit komz eus paotred nemetken hag implijet e vez termenoù all, evel lesbian-ha-gae pe LGBT evit ledanaat ar ster.

Hiziv e vez implijet muioc'h-mui an termen gae kentoc'h evit heñvelreizhour/ez, dreist-holl gant an dud LGBT o-unan, rak negativel e c'hell bezañ ar ger-se, krouet er penn-kentañ evit deskrivañ ur c'hleñved spered. Ouzhpenn-se, gant an termen heñvelreizhour/ez e vez pouezet war an darempredoù reizhel kentoc'h evit ar c'heflusk hag ar stad-den revel (pe identelezh revel).

Liammoù diavaez

• Kevredigezh Etrebroadel al Lesbianed hag ar re C'hae (ILGA)

Gwelet ivez

• Heñvelrevelezh
• Lesbianelezh
• LGBT
• Divrevelezh
• Arallrevelezh

Porched ar revelezh denel (LGBT) – Adkavit pennadoù Wikipedia a denn d'ar revelezh.