Goronwy Foel

Goronwy Foel a oa ur barzh kembraek eus kreiz an XIIIvet kantved, genidik eus Deheubarth. Unan eus Barzhed ar Briñsed e oa-eñ.
Tra ebet ne ouzomp diwar benn ar barzh nemet pezh a c'haller kavout er varzhoneg lakaet war e gont e Dornskrid Hendregadredd. Enni e kan meuleudi da goantiz Marared ferch Rhys Fychan. Gallout a rafe bezañ unan eus div verc'h anvet Marared (Maryred, pe Marged) en doe Rhys Ieuanc ap Rhys Mechyll, unan eus priñsed Deheubarth war-dro kreiz an XIIvet kantved. Mamm ar merc'hed-se e oa Gwladus ferch Gruffudd ap Llywelyn ap Iorwerth (marvet e 1244) eus Gwynedd, merc'h-vihan Llywelyn Fawr.

Levrlennadur

Embannet eo bet Mawl Marared ferch Rhys Fychan gant R. Geraint Gruffydd e-barzh N.G. Costigan ac eraill, Gwaith Dafydd Benfras ac Eraill (Caerdydd, 1995), en dastumad Beirdd y Tywysogion.