Gwalldaolioù ar 7 a viz Even 2017 e Tehran

Gwalldaolioù ar 7 a viz Even 2017 e Tehran a oa bet un dagadenn doubl kaset da benn gant pemp sponter eus ar Stad Islamek e Tehran, kêrbenn Iran. Taget e voe parlamant Iran ha mozoleon an ayatollah Khomeini, 18 trevour a voe lazhet ha 52 gloazet. Ar pemp sponter a zo pe emlazhet pe a zo bet lazhet gant nerzhioù surentez Republik Iran.

Ar gouarnamant iranian a zisklêr e oa bet deuet a-benn da dalañ ouzh un trede dagadenn (ur vombezenn) ar memes devezh. Ar 5 sponter a zo bet anavezet gant gouarnamant Iran. Ar re-se a oa deuet er vro e miz Eost 2016. Ar re-se a oa bet o stourm en ur strollad propaganda Wahhabit kuzh. Lod pennoù uhel eus Iran o deus bet disklêriet e oa kablus Israel, Stadoù-Unanet Amerika hag Arabia Seoudat evit ar gwalldaol hep degas prouenn anat ebet.

• 
  Kartenn an tagadennoù.
• 
  Nerzhioù ispisial Iran o talañ ouzh sponterien ar stad Islamek.
• 
  Ar Brigader jeneral Mohammad Pakpour, Penn-uhel nerzhioù douar ar Sepah-e Pasdaran-e Enghelāb-e Eslami (Gwarded ar Reveulzi) dres goude ma vefe bet talet an dagadenn war ar parlamant gant e nerzhioù stourm.