Gwrac'h (disheñvelout)

Ur wrac'h zo ur vaouez kozh gant galloudoù hud a-wezhioù.

• Brudet eo ar gwrac'hed da vezañ desket, war al louzoù dreist-holl. N'eo ket sur e vije gwall sirius an deskadurezh-se atav avat, rak diouzh ar c'hrennlavar: Palastr ar wrac'h Ne ra na droug na mad.
• Gwechall e veze graet gwrac'h an holen eus ar vaouez a zouge ar bugel bihan a-us d'ar maen-badez, pa veze roet holen dezhañ gant ar beleg.

Sellit ouzh ar ger gwrac'h er
wikeriadur, ar geriadur frank.

Goapaerezh

Un tamm dismegañsus e c'hall bezañ ar ger-se a-wechoù. Goap a vez graet alies ouzh ar gwrac'hed, aliesoc'h gant paotred, eget gant merc'hed yaouank.

• Kaozioù gwrac'hed a zo kaozioù didalvoud.

Sterioù all

Ur wrac'h zo ivez:

• ur boud er mojennoù :
  • ur sorserez, gwelout gwrac'h
  • ur wrac'h-vor zo ivez ur vari-vorgan
    • brudet eo kontadenn Émile Souvestre « la groac'h de l'île du Lok », embannet e 1844,
  • gwrac'h ar Sadorn da noz, zo ur wrac'h a deu en tier ma vezer o labourat enne d'ar c'houlz-se
  • noz ar wrac'h, a zo an noz diwezhañ a viz Genver

• pesked:
  • ur pesk anvet gwrac'h, pe Labrus bergylta,
  • ur wrac'h-koad, zo ur pesk bras, Polyprion americanus,

• un amprevan
  • gwrac'h an diaoul, a zo lesanv ar c'hwil-kornek
  • gwrac'h-lann, gwrac'h-oaled, a vez graet ouzh ul laouenn-dar

• evned : ar gwrac'higed.

Ouzhpenn-se e vez implijet ar ger evel anv-gwan:

• bezañ gwrac'h gant un dra zo bezañ sot gantañ.

Levrlennadur

• Geriadur Gregor, pajenn 959