Digeriñ al lañser pennañ

Henri Delacoux de Marivault-Emeriau

Henri Delacoux de Marivault-Emeriau

Henri Delacoux de Marivault-Emeriau a oa bet ganet d'an 22 a viz Mezheven 1821 e Châteauroux hag aet e oa da Anaon d'ar 26 a viz Du 1910 e Pariz.

Tremenet en devoa e vicher a-bezh er morlu adalek 1837 betek ar 14 a viz Genver 1881 ma oa bet aotreet da vont war e leve, goude bezañ bet anvet da gabiten lestr d'an 2 a viz Kerzu 1864.

Pa oa bet roet e zilez gant Émile de Kératry e oa bet anvet Henri Delacoux de Marivault-Emeriau e penn Kamp Koñli dre zekred ar 7 a viz Kerzu 1870, roet e oa bet dezhañ ar rez a jeneral rannarme war un dro, hag eñ da zont da vezañ trede pennrener Arme Breizh. Dindan e veli eo o devoa staget, d'an 12 a viz Kerzu 1870, ar miliadoù a soudarded eus Breizh da guitaat al lec'h milliget-se a denne kentoc'h d'ur gêr fank eget d'ur c'hamp aozet mat.

Roet e voe dezhañ ar rez a gomander en Urzh broadel al Lejion a enor d'an 29 a viz Eost 1872.