Jean-Pierre Vincent

Jean-Pierre Vincent, ganet e Plelann-Veur e 1936, a zo bet kelenner fizik hag un ezel a-bouez eus Kendalc'h.

Red buhez

Abred ec'h emezelas e Kelc'h Keltiek Roazhon renet gant Pêr Roy d'ar mare-se.

Chom a reas e-pad pell unan eus animatourien bennañ ar c'helc'h.

Kelenner fizik, e kemeras perzh e-pad un ugent vloaz bennak e stummadur kelennerien ar skolajoù.

Ur roll pouezus en deus bet e buhez Kendalc'h. Adalek 1965 e voe prezidant Unvaniezh Kevredigezhioù Kendalc'h Roazhon (Union locale des Associations rennaises Kendalc'h) a zeuas da vezañ an UPRACB goude.

Kemer a reas perzh e krouidigezh Ti-Kendalc'h e Sant-Visant-an-Oud (Kreizenn Pêr Roy da c'houde).

Prezidant Skeudenn Bro-Roazhon eo bet e-pad pell.

E 2003 e teuas da vezañ prezidant Coop Breizh war lerc'h Yvonig Gicquel.

E-pad 15 vloaz eo bet prezidant ar gevredigezh Breizh-Kembre.

Resevet en deus Kolier an Erminig 2006.

Mammennoù

• Dictionnaire biographique du mouvement breton XX-XXIe siècles gant Lionel Henry, Yoran Embanner, 2013.