Wikipedia

Jean Delannoy

Jean-François Henri Delannoy, bet ganet e Noisy-le-Sec (Seine d'ar mare-se) d'an 12 a viz Genver 1908 hag aet da Anaon e Guainville (Eure-et-Loir) d'an 18 a viz Mezheven 2008, a oa un den a sinema hag en devoa pledet gant an darn vrasañ eus micherioù an arz-se. Padal, anavezet eo evel filmaozour ha saver senarioioù kentoc'h.

Jean Delannoy er bloavezhioù 2000

Breur eo da Henriette Delannoy, aktourez da vare ar sinema mut.

Goude bezañ kaset da benn vat e studioù war al Lizhiri er Sorbonne e oa aet da arzvarnour da gentañ-penn, ha da-heul, da gazetenner ha da ginklour.

Kroget en devoa Jean Delannoy gant ar sinema o telc'her rolloù bihan, e-barzh ar film Casanova (1927) gant Alexandre Volkoff peurgetket. Da c'houde, seveniñ a reas meur a film berr ha frammañ un toullad all. Galvet e oa bet gant Jacques Deval e 1936 da zont da vezañ e skoazeller evit Club de femmes, a-raok mont da eiler Félix Gandéra evit e filmoù Tamara la complaisante (1937) ha Le Paradis de Satan (1938). Da-heul e teuas er-maez daou film hir all : Macao, l'enfer du jeu (1939) ha Le Diamant noir (1940). Ne rae ket berzh e oberennoù c'hoazh met gallout a c'halled merzout mestroni Delannoy dija kement hag e zonezon da zibab ha ren an aktourien.

Gant Pontcarral, colonel d'empire (1942), ur film o veskañ karantez ha troioù-kaer, en devoa bet un tañva eus ar berzh erfin. E 1943 en devoa sevenet L'Éternel Retour, diwar mojenn ar grennamzer Tristan hag Izold azasaet en un doare arnevez gant Jean Cocteau : daoust d'ar film bezañ deuet er-maez en ur mare gwall ziaes e voe e-touez ar re rouez bet tapet berzh gante e-pad an Dalc'herezh.

Diwar neuze e oa bet savet un toullad mat a filmoù gant Delannoy, kement-se betek penn-kentañ ar bloavezhioù tri-ugent, an darn vrasañ anezhe bezañ chomet divrud, panevet Le Bossu (1944), La Symphonie pastorale ha Dieu a besoin des hommes (1950). Gant Jean Gabin o wiskañ roll ar c'homiser Maigret en devoa troet un nebeud filmoù-polis ivez.

Labouret en devoa evit ar skinwel ivez o sevel heuliadennoù ha telefilmoù.

Da-geñver lid ar Césars 1986 e voe deroet ur gopr a enor dezhañ, evit e vicher a-bezh.

Filmoù kemmañ

Filmoù berr kemmañ

Evel filmaozour kemmañ

Evel frammer kemmañ

  • 1932 : Franches lippées
  • 1933 : Mon chapeau
  • 1934 : L'École des détectives
  • 1934 : La Moule

Evel merour kemmañ

  • 1937 : Ne tuez pas Dolly

Filmoù hir kemmañ

Evel aktour kemmañ

Evel azasaer kemmañ

Evel filmaozour kemmañ

Evel frammer kemmañ

Evel saver divizoù kemmañ

  • 1940 : Le Diamant noir
  • 1952 : La Minute de vérité

Evel saver senarioioù kemmañ

  • 1942 : L'Assassin a peur la nuit
  • 1945 : La Part de l'ombre
  • 1951 : Le Garçon sauvage
  • 1952 : La Minute de vérité
  • 1953 : La Route Napoléon
  • 1954 : Obsession
  • 1955 : Marie-Antoinette
  • 1957 : Maigret tend un piège
  • 1959 : Maigret et l'affaire Saint-Fiacre
  • 1961 : Le Rendez-vous
  • 1962 : Vénus impériale
  • 1965 : Les Sultans
  • 1966 : Le Soleil des voyous
  • 1969 : La Peau de Torpédo
  • 1972 : Pas folle la guêpe
  • 1987 : Bernadette

Evel skoazeller-sevener kemmañ

  • 1936 : Club de femmes gant Jacques Deval
Adtapet diwar « https://br.wikipedia.org/w/index.php?title=Jean_Delannoy&oldid=2054508 »