Jeffrey Epstein

den
Reizh pe jener	paotr
Bro ar geodedouriezh	Stadoù-Unanet
Anv e yezh-vamm an den	Jeffrey Epstein
Anv ganedigezh	Jeffrey Edward Epstein
Anv-bihan	Jeffrey
Anv-familh	Epstein
Deiziad ganedigezh	20 Gen 1953
Lec'h ganedigezh	Brooklyn
Deiziad ar marv	10 Eos 2019
Lec'h ar marv	Metropolitan Correctional Center, New York City, New York
Doare mervel	assisted suicide, muntr
Abeg ar marv	krougañ, strangling
Lec'h douaridigezh	Star of David Cemetery
Tad	Seymour G. Epstein
Mamm	Pauline Epstein
Breur pe c'hoar	Mark Epstein
Kompagnun(ez)	Ghislaine Maxwell
Den heverk	Ghislaine Maxwell
Yezhoù komzet pe skrivet	saozneg
Place of detention	Metropolitan Correctional Center, New York City
Kondaonet evit	solicitation
Micher	den a aferioù, kelenner, banker
Implijer	Bear Stearns, Jeffrey Epstein VI Foundation
Bet war ar studi e	Courant Institute of Mathematical Sciences, NYU, Cooper Union, Lafayette High School
Lec'h annez	Little Saint James, Palm Beach, Herbert N. Straus House
Perc'henn war	Jeffrey Epstein's "little black book"
Hashtag	Epstein

Jeffrey Epstein [ˈd͡ʒɛfɹi ˈɛpstiːn], ganet d’an 20 a viz Genver 1953 e Brooklyn ha marvet d’ar 10 a viz Eost 2019 e Manhattan da 66 vloaz, a oa un den a aferioù ha torfedour revel stadunanat.

Kregiñ a reas gant e vuhez vicherel evel kelenner war ar matematik ha skiantoù fizik en Dalton School, ur skol brevez eus karter an Upper East Side, e New-York. An darempredoù skoulmet gant kerent e skolidi a sikouras anezhañ da vezañ tutaet er bank postañ Bear Stearns. E vicher gentañ e bed an arc’hant e voe.

Yaouankiz ha red-micher

Yaouankiz

Ganet e oa Jeffrey en ur familh yuzev eus ar renkad etre e Brooklyn. Seymour G. Epstein, tad Jeffrey, a laboure e servij an takadoù e kêr New York.

Pauline Epstein ha Seymour G. Epstein a zimezas e 1952 e Brooklyn.

Red-micher

Jeffrey Epstein a gomañsas e red-micher war dachenn an arc’hant goude bezañ bet kelenner matematik ha skiantoù fizik en Dalton School e Manhattan er bloavezhioù 1970. E-mesk e skolidi e oa bugale Alan C. Greenberg, prezidant ar bank Bear Stearns, hag en deus digoret dorioù e embregerezh dezhañ evit bezañ degemeret e bed an arc'hant.

E 1976 e cheñchas micher evit dont da vezañ “trader” e ti Bear Stearns, o labourat er rann “produioù ispisial” hag e rann ar strategiezh fiskal evit ar pratikoù pinvidikañ.E ti Bear Stearns e reas berzh buan, ha dont a reas da vezañ ezel kevelet e 1980. Daou vloaz goude e roas lañs d’e embregerezh mererezh arc’hant J. Epstein & Co.

Gounit a reas buan pratikoù en o aez, ha merañ a reas fredoù en tu all d’ur miliard a zollaroù. Koulskoude, kaset e voe e red-micher pell war-raok gant Leslie Wexner, krouer The Limited. Roet e voe dezhañ gant Wexner mererezh e arc’hant personel, ar pezh en deus sikouret staliañ doare bevañ pompadus Jeffrey, sur a-walc’h.

A-hed ar bloavezhioù e savas Jeffrey kalz liammoù gant tud levezonek, politikourien evel Bill Clinton peurgetket, ha tud eus ar roueelezh evel ar priñs Andrew, dug York. Ar perc’hentiezhoù niverus en doa dre ar bed hag e veajoù prevez gant e garr-nij o deus lakaet dezhañ da vezañ anavezet evel ur miliardour levezonek ha kevrinus.

Koulskoude, adalek penn-kentañ e red-micher e oa kalz brudoù war ar fed e plije dezhañ ar merc’hed yaouank, ar pezh en deus degaset diskred warnañ adal ar bloavezhioù 2000. E gavandennoù gant tud vrudet ha personelezhioù a renk uhel kenañ o deus miret anezhañ e-kreiz ar vrud, memes goude e varv e 2019.

Torfedou reizhel

Jeffrey a zo bet tapet gant an FBI e 2019 evit bezañ bet e-barzh ur rouedad etrebroadel gistierezh oc’h emplegañ tud yaouank. E-keit ma oa o c’hortoz e brosez evit trafik tud yaouank e voe kavet marv e-barzh e gell en toull-bac’h, ar pezh a lako fin d’an argerzhadur a-enep dezhañ. E vestrez, Ghislaine Maxwell, a zo bet kondaonet da 20 vloaz toull-bac’h evit trafik revel ha disleal e 2022.

Levriou

"Filthy Rich : The Billionaire's Sex Scandal - The Shocking True Story of Jeffrey Epstein" gant James Patterson : al levr-mañ a zispleg an afer Epstein dre ar munud, displegañ a ra tu ar reuzidi.
"Epstein : Dead Men Tell No Tales" par Dylan Howard, Melissa Cronin, ha James Robertson : un enklask don war marv Jeffrey Epstein ha war darvoudoù tro-dro e vuhez hag e dorfedoù.