Johanna Berglind
Johanna Jeanette Berglind (21 a viz Eost 1816 e Stockholm - 1903) a oa ur gelennerez war yezh ar sinoù hag ur renerez skol svedat. Krouiñ a reas unan eus ar skolioù kentañ savet e Sveden evit an dud vut pe vouzar. Krouet e voe ar skol e Stockholm e 1860 gant an anv Tysta Skolan (Ar skol didrouz).
Un emzivadez e oa Berglind hag advabet e voe gant un intañvez. E-pad meur a vloaz e voe gwanaet he yec'hed goude terriñ he gar d'an oad a 3 bloaz. Etre 1834 ha 1840 e kelennas e skol savet evit ar re vouzar hag ar re vut gant Pär Aron Borg. Mirout a reas he gopr a-benn sevel he skol dezhi. Ne reas ket berzh betek ma vefe brudet ar pezh a rae gant Fredrika Bremer, hag a zisplegas he labour er c'hazetennoù hag a c'houlennas ma vefe sikouret. A-benn ar fin e voe sikouret he skol gant gouarnamant Sveden, hag e penn ar skol e voe etre 1860 ha 1882.
Daveoù
kemmañ- https://runeberg.org/sqvinnor/0040.html
- Svenska kvinnor. Föregångare Nyskapare - Carin Österberg ISBN 91-87896-03-6