Jordan Bankston Noble

Jordan Bankston Noble anvet ivez Jordan B. Noble, ganet d'ar 14 a viz Here 1800 hag aet da Anaon d'an 20 a viz Even 1890, a oa ur soudard afro-amerikan brudet evit bezañ bet tabouliner en Emgann New Orleans e-kerzh Brezel 1812. Noble hag e daboulin o devoa c'hoariet ur roll hollbouezus evit reiñ urzhioù ar c'homandant e-pad an dagadenn a-enep unvezioù ar Rouantelezh-Unanet d'an 23 a viz Kerzu 1814 hag an argadenn ganto d'an 8 a viz Genver 1815. Jordan Noble en doa kemeret perzh ivez er Brezelioù Seminole, Brezel etre Mec'hiko hag ar Stadoù-Unanet dindan urzhioù Zachary Taylor, ha goude-se e-pad Brezel diabarzh Stadoù-Unanet Amerika e tu ar re Gengevreet ha goude-se an Unaniezh.