Joseph Kabila

D'ar 4 a viz Mezheven 1971 eo bet ganet Joseph Kabila Kabange, e Hewa Bora, e bro Fizi (Su-Kivu), politikour eus Republik Demokratel Kongo. Prezidant eo deuet da vezañ war-lerc'h e dad Laurent-Désiré Kabila paz eo drouklazhet d'ar 16 Genver 2001 e-pad eil brezel Kongo. Gounit a ra an dilennadegoù demokratel kentañ aozet er vro d'ar 27 a viz Du 2006. E penn Strollad ar bobl evit an Adsevel hag an Demokratelezh emañ. Addilennet eo e 2011, daoust d'an dilennadeg bezañ bet amreizh hervez aozadurioù broadel koulz hag etrebroadel. Étienne Tshisekedi, e eneber en eil tro an dilennadeg, a nac'h anzav an disoc'h embannet ha goulenn digant ar bobl mont da vanifestiñ. E 2016 ne c'hall ket mont war ar renk evit an trede gwech ha goursezañ a ra ar votadeg sine die, o tevoudañ un enkadenn bolitikel. Dalc'het eo an dilennadegoù prezidant e 2018 ha tamallet eo ez eus bet floderezh yoc'hek. E 2019 e lez Joseph Kabila e sez prezidantel da Félix Tshisekedi (mab Étienne) ha dont a ra da vezañ senedour a-hed buhez. Kemer a ra ivez an titl a « brezidant a enor ».

Joseph Kabila

Liammoù diavaezAozañ