Kest ar bruched

Kest ar bruched (pe kest ar brusk) eo anv ar framm askornek ha migornek a ro stumm d'ar bruched. Gronnañ a ra kavenn ar brusk ha dougen gouriz an ezel krec'h.

Kest ar bruched

Graet eo gant :

• 12 kostezenn a bep tu (24 en holl eta), a zo stag ouzh al livenn-gein,
• ar glerenn,
• migorn ar c'hostezennoù,
• 12 mell ar c'hein

Roll en analadur

Gronnañ a ra kavenn ar brusk, enni ar skevent. Analet e vez pa stegn ar gelc'hspeurenn (ar gigenn a ra an disparti etre ar brusk hag ar c'hof) ; d'ar memes koulz e stegn ar c'higennoù etrekostezennel evit sevel ha brasaat kest ar bruched. Diwar-se e kresk volum kavenn ar brusk hag an aer a vez bountet er skevent.