Kevrennad

E bevoniezh eo ar gevrennad ur rannad eus ur skourrad. Klotañ a ra gant al latin Classis. E rummatadur reizhiadek ar bevien emañ ar gevrennad etre ar skourrad hag an urzhiad. An trede derez eo ar gevrennad e rummatadur klasel ar bevien (da lâret eo an hini na ra ket gant naoutur ar pellder genetek).

Renkoù anavezet all eus rummatadur reizhiadek ar bevien zo ar riezad, ar renad, ar skourrad, an urzhiad, ar c'herentiad, ar genad.

Dibennoù-ger latin a verk ar renk e rummatadur ar bevien

E diwezh an anvioù kevrennadoù e kaver al lostgerioù -opsida evit ar plant, -phyceae evit ar bezhin ha -mycetes evit ar foue.
Evit pezh a sell renad al loened e vez graet gant lostgerioù dindan renk an uskerentiad hepken (ICZN mellad 27.2).

Skouerioù:

• Loened : Aves (evned), Mammalia (bronneged), Reptilia (stlejviled)
• Plant : Liliopsida, Magnoliopsida
• Foue : Myxomycetes, Acrasiomycetes
• bezhin : Chlorophyceae

Urzhaz ar renkadoù

Evit kerentiadoù ’zo e vez implijet renkadoù ouzhpenn. Ne vezont ket implijet stank. Setu-int amañ da-heul, en urzh o renk.

Anv	Ster ar rakgerioù	Skouer 1	Skouer 2	Skouer 3	Skouer 4
Uskevrennad	us-: a-us	Tetrapoda		Tetrapoda
Kevrennad		Mammalia	Maxillopoda	Aves	Diplopoda
Iskevrennad	is-: a-is	Theria	Thecostraca		Chilognatha
daniskevrennad	dan-: dindan ; is-: a-is		Cirripedia	Neognathae	Helminthomorpha
dangevrennad	dan-: dindan				Colobognatha
korrgevrennad	korr-: bihan, dister			Neornithes	-