Keyboard man

Arabat eo droukveskañ Keyboard man ha Troll.

Keyboard man ("paotr an douchennaoueg"), keyboard warrior ("Kadour an douchennaoueg") ^[1] (sinaeg :键盘侠 jiànpán xiá) pe internet warrior ("kadour an internet")^[2], a vez graet eus tud gant doareoù feuls, flatrerien, war an internet nemetken, da lavarout eo tud hag a vez doareoù ganto ha na vefent ket o re er vuhez pemdez.

Ar mennad zo bet lakaet war-raok goude an 28 a viz Mae 2014, pa voe c'hwec'h ezel eus ar sektenn QuanNeng Shen o lazhañ ur vaouez en ur preti McDonald's e kêr Zhaoyuan (proviñs Shandong) e Sina^[3]. An termenadur a voe implijet evit ober anv eus an dud o devoa doareoù feuls pa gomzent eus testoù ar muntr n'o devoa bet graet netra evit saveteiñ ar vaouez.

D'ar 4 a viz Even 2014, Renmin Ribao a embannas ur pennad a-enep doareoù mantrus "kadour an douchennaoueg" evit ober eus an dud "kalonek", pabor ha feuls war ar rouedad liammet gant tagadenn marvus ar vaouez. Goulennet e oa gant ar pennad ma vefe savet obererezhioù foran a-enep dezho. Ur gaoz vroadel a voe a-zivout petra d'ober.

Graet e vez ivez internet warriors eus an dud kalonek ha feuls war ar rouedad nemetken hiziv-an-deiz.

Tagadennoù

Hollad an harellerezh enlinenn a vez enep ar gazetennerezed. Alies e vez gwashoc'h an tagadennoù en andred maouezed.

Seizh doare tagadennoù dre an internet zo diskouezet war ar skeudenn amañ a-zehou.

Cyber-stalking : bezañ atav war roudoù un den er genrouedad.
Doxxing : embann ditouroù personel un den ; un doare all eo diskuliañ piv eo an den a zo a-drek un anv-pluenn.
Trolling : embann skridoù diboell pe tagus en ur gaozeadeg, a-ratozh-kaer evit lakaat reuz ; koulz hiniennoù, strolladoù politikel ha Stadoù a ra.
Cyber-bullying : mazaouiñ buhez un den dre dagadennoù dizehan.
Hate speech : embann pennadoù leun a gasoni en andred un den, ur strollad politikel, ur relijion, hag all.
Public shaming : mezhekaat un den a-glev d'an holl.
Intimidation / Threats : abafaat / grourdrouz un den.

Adkemer er sevenadur

Filmoù

Internet Tough Guy vs. Keyboard Warrior, komedienn sevenet gant Zachariy Madson, pevare rann koulzad 4 ar stirad skinwel Golden Toads, 25/06/2012

Kanaouennoù

Les Vilains - Internet Warrior, 2008, YouTube

Pennadoù kar

Harellerezh-skol

Notennoù ha daveennoù

[1] (en) Chinamedia project

[2] (en) The Guardian

[3] (en) Huffington Post

[1]

[2]

[3]