Korfkenn

Ar gorfkenn a zo ur pezh dilhad-dindan gwisket gant ar merc'hed war o c'hof hag o divgroazell, da zerc'hel o bruched hag o divlez, da reiñ ur stumm d'o c'horf, diouzh ar c'hiz betek deroù an XXvet kantved ha dilezet da vat goude an eil brezel-bed.

Gant ar baotred ez eus bet douget korfkennoù ivez, ha bremañ c'hoazh, met abalamour d'ar yec'hed hepken goude ur gwallzarvoud, lakaomp.

Er bloavezhioù diwezhañ eo bet adkemeret ar ger gant bed ar c'hiz evit ober anv eus dilhad war-benn, hag a denn tamm pe damm da gorfkennoù gwechall, met n'int ket graet da zerc'hel ar c'horf, ha ne roont stumm ebet dezhañ. Peurvuiañ e vezont laset, ha netra ken.

Karg

Karg ar gorfkenn a oa stardañ ar c'horf da reiñ stumm ur c'horf mistr, da voanaat an dargreiz. Lasoù hir a oa da stardañ hag a-wechoù e vije diaes da lakaat, ha da skoulmañ. Aesoc'h e oa d'ar merc'hed a renk uhel, dezho mitizhien, eget da verc'hed ar bobl.

Er film Gone with the Wind e weler ar merc'hed o sikour an eil eben da lasañ o c'horfkenn.

Ouzh ar gorfkenn e veze stagelloù a-ispilh ma staged al loeroù.

Goude an eil brezel-bed eo deuet da vout arouez karc'har ar c'horf. Pa voe deuet giz al loeroù-gaol e voe echu d'ar gorfgenn da vat.