Krk

Krk (distaget [kr̩k] e kroateg, Veglia en italianeg, Vekla e veilhoteg, Curicta e latin) zo un enezenn war aod Kroatia, nepell diouzh kêr Rijeka.

Kêr Krk.

Pelec’h emañ Krk war aod Kroatia

En em ledañ a ra an enezenn war 405,78 km² ha poblet eo gant 17 860 a dud (2001), ar pezh a ra anezhi an enezenn bobletañ e Mor Adria. Staget eo ouzh an douar-bras war-bouez ur pont, abaoe 1980. Krk eo anv ar gêr vrasañ en enez.

Yezh

E Krk e veze komzet veilhoteg, unan eus ar yezhoù dalmatek. Mont a reas ar yezh-se da get e dibenn an XIX^vet kantved, pa varvas he c’homzer diwezhañ, Tuone Udaina e 1898.

Liammoù diavaez

• Lec’hienn ofisiel e kroateg hag e saozneg