Lemnos pe Limnos (Λήμνος e gresianeg) zo un enezenn eus Gres, e Mor Egea. Emañ el lodenn norzh eus ar mor-se, en hanternoz da enez Lesbos, etre Gres ha Turki. E 2001 e oa annezet gant 18 104 a dud, o vevañ war ur gorread a 476 km².

Myrina
Sede pelec'h emañ Lemnos

Reier volkanek a ya d'ober an enezenn, ha sevel a ra betek 430 m a uhelder. Myrina eo ar gêr vrasañ hag ar porzh pennañ, er mervent. Un aerborzh bihan zo ivez. Pouezus eo al labour-douar (gwini, tomatez, olivez, ed...). Brud vat zo gant gwin Lemnos.

Istor kemmañ

Annezet eo an enez abaoe an amzerioù koshañ. E Lemnos ez eus bet kavet ur maen, warnañ un enskrivadur en ur yezh, anvet lemneg, zo tost d'an etruskeg. Goude bezañ bet dindan yev impalaeriezhioù Roma ha Bizantion, e voe Lemnos ul lodenn eus Republik Venezia ivez. Aloubet e voe gant an Durked e 1478 ha goude se e voe en Impalaeriezh otoman. Dont a reas da vezañ unan eus inizi rouantelezh Gres e 1912.

Mojennoù kemmañ

E mojennoù Henc'hres e oa annezet an enez gant Hefaistos, doue an tan, ar govelioù hag ar menezioù-tan. Eno e oa bet taolet gant e dad, Zeus, pa oa bet skarzhet eus menez Olimpos, annez doueed Henc'hres.

E Lemnos ivez eo gwriziennet mojenn Hipsipile‎.