Les Travailleurs de la mer (film, 1918)

Les Travailleurs de la mer (Labourerien ar mor e brezhoneg) zo ur film mut gall, sevenet e gwenn ha du gant ar filmaozour gall André Antoine e 1917.

Renevezet e oa bet ar film hag adkinniget, evit ar wech kentañ, e mirdi Orsay (Essonne) d'an 31 a viz Mae 1990.

Fichenn deknikel

Doare : Drama,
Senario : André Antoine, diwar ar romant Les Travailleurs de la mer (1866) gant Victor Hugo,
Produour : Société Cinématographique des Auteurs et des Gens de Lettres,
Skeudenniñ : Paul Castanet ha René Guychard,
Sonerezh : Georges Estera,
Prantad filmañ : miz Eost ha miz Gwengolo 1917,
Lec'hioù filmañ : e-kichen Kameled ha trowardroioù Rosko ha Sant-Maloù,
Deiziadoù dont er-maez : 8 ha 15 a viz Meurzh 1918,
Padelezh : 116' (film orin), 95' (film renevezet).

Georges Denola ha Julien Duvivier a oa bet dibabet da skoazellerien seveniñ er film-mañ.

Framm

Daou goulzad ha seizh rann a ya d'ober ar film :

Mess Lethierry,
Sieur Clubin,
La "Durande",
L'Écueil (Ar Garreg),
La Pieuvre (Ar Morgazh),
Déruchette,
La Grande Tombe (Ar Bez Bras).

An danvez

E Gwernenez emeur : emañ ar pesketaer Gilliatt e karantez gant Déruchette, nizez d'ar paramantour Mess Lethierry. Un deiz ez a kuit Rantaine gant arc'hant e geveler Lethierry. Clubin, kabiten ar vag en deus degemeret Rantaine war he bourzh, a ra dezhi ober peñse a-ratozh a-benn lakaat e grabanoù war ar breizhadenn. Mont a ra Gilliatt betek lec'h ar gwallreuz da adtapout keflusker ar vag hag eno e kav an arc'hant laeret e gouriz lêr ar c'habiten, hag eñ bet lazhet gant ur morgazh. Ret eo d'ar pesketaer stourm ouzh ar blotvil hag e lazhañ. Bet adpaket e arc'hant gantañ e kinnig Mess Lethierry dorn e nizez Déruchette da c'hGilliatt koulz ha kemer penn unan eus e vigi. Siwazh, bremañ ez eo piket kalon ar plac'h gant Ebenezer, ar pastor yaouank. Ne glask ket ar pesketaer talañ outañ ha kavout a ra gwelloc'h en em lezel da sankañ en tonnoù...

Roll ar gomedianed

Romuald Joubé : Gilliatt,
Armand Tallier : Ebenezer,
Marc Gérard : Clubin,
Charles Mosnier : Mess Lethierry,
Clément Liezer : Rantaine,
Max Florr : Tangrouille,
Joe Hard : Imbrancam,
Andrée Brabant : Déruchette,
Verthuys : Grace,
Philippe Garnier : an Tad Reverant Hérode,
Liener : Douce.