Liet International

Liet International zo ur genstrivadeg evit kanaouennoù e yezhoù minorelaet eus Europa. Aozet e vez bep bloaz en ur gêr disheñvel.

E proviñs Friz, en Izelvroioù, e veze aozet bep bloaz, abaoe 1991, ur genstrivadeg kanaouennoù nevez e frizeg, anvet Liet (kan). E 2002 e voe divizet gant an aozerien digeriñ ar genstrivadeg da dud eus broioù bihan all en Europa, evit broudañ ar re yaouank d'ober gant yezhoù ar broioù-se hag evit kinnig ul leurenn etrebroadel d'ar sonerien ha d'ar ganerien er yezhoù-se. E 2009 e voe divizet kemer an anv Liet International. Hag a vloaz da vloaz eo kresket ar genstrivadeg, a sach muioc'h-mui a ganerien ha muioc'h-mui a arvesterien ivez. Deuet eo Liet International bremañ da vezañ un doare Eurovision, nemet e vez kanet e yezhoù minorelaet. Bep bloaz e vez aozet ar genstrivadeg en ur vro disheñvel en Europa. E 2010 e oa bet aozet en Oriant ; er bloavezh-se e oa bet gounezet ar genstrivadeg gant ar strollad Orka eus an inizi Faero. E 2012, e Gijón, e oa bet gounezet gant ar ganerez Lleuwen Steffan, zo genidik eus Kembre met o vevañ e Breizh bremañ hag o kanañ e brezhoneg.

Liet International 2018

Edo an 12vet Liet International, e miz Mae 23 2018, e Neushoorn Leeuwarden e Friz.

Niverenn.	Arzour	Kan	Yezh	Qualification	Renk	Poentoù
1	Afro-Carib Ensemble		Sranan Tongo		9	75
2	Familia Caamagno		Galizeg		12	61
3	Jenne Decleir	“Dans met mij”	Brabanteg Aantwerpen		10	73
4	Evgenia Udalova		komieg		14	26
5	Stonecrobs	“Yn Frijheid Kinsto Libje”	frizeg	Liet 2018	5	111
6	Zaman	“Alga” (Алга)	Bachkireg		7	110
7	Gerda Stevenson & Kyrre Slind	“Aye The Gean”	Skoteg		3	119
8	Whyte	“Tairm”	Gouezeleg		11	71
9	Nastasia Zürcher	“Espertos”	Galizeg		2 Priz ar sonerien	133
10	Pira		Aroumaneg		13	49
11	The Rowan Tree	“Tresor”	kerneveureg		1 Priz kentañ	141
12	Luko Reinders		frizeg	Winner Liet 2017	4	116
13	Inger Karoline Gaup & band	“Oahppan lean”	Samieg	Sámi Grand Prix 2018	5	111
14	Billy Fumey	“Bondze Heidi”	arpitaneg		8	78

Liamm diavaez

• Lec'hienn Liet International