Marc'harid de L'Aigle
Marc'harid de L'Aigle, pe Marguerite de l'Aigle (e galleg), pe Margarita de L’Aigle (e spagnoleg), ganet en 1104, ha marvet e 1141, a oa ur briñsez c'hall, hag a zeuas da vout rouanez Navarra pa zimezas en 1130.
Merc'h e oa da Gilbert de l'Aigle ha da Juliette du Perche. He zud-kozh a-berzh tad e oa Richer of L’Aigle ha Judith d’Avranches, he zud-kozh a-berzh mamm e oa Jafrez II Perche, Kont Perche ha Mortagne, hag he fried Beatrice of Montdidier. Choar e oa da Richer of L’Aigle, a voe Baron L'Aigle war-lerc'h e dad. Keniterv a bell e oa d'ar rouanez Felicia de Roucy, a oa dimezet e 1076 da Sancho Ramírez, roue Aragon, goude dezhañ terriñ e eured kentaén da Isabel de Urgell.
Dimeziñ ha bugale
kemmañMarguerite de l'Aigle a zimezas en 1130 d'ar roue García V Navarra.
Tri bugel o doe, a renas o -zri e teir bro:
- Marc'harid (†1182), a zimezas en 1150 da Gwilherm Iañ Sikilia.
- Sancho, a voe roue Navarra war-lerc'h e dad
- Blanca (1133-1156), a zimezas en 1151 da Sancho III Kastilha.
Darempredoù fall o doe an daou bried rak serc'heged he devoa ar wreg a-hervez, ha troet e oa da glask harpañ tud he ziegezh. Ur mab all he doe, anvet Rodrigo, met he fried a nac'has en anavezout evel e vab, ha zoken goude marv e wreg. An holl a rae ur bastarde anezhañ, nemet e c'hoar henañ Marc'harid.
Mervel a reas-hi e 1141, hag addimeziñ a reas he fried.