Melite

Melite (henc'hresianeg : Μελίτη) a oa un Naiadenn, unan eus ar re niverus a voe karet gant Zeus ha gant e vab Herakles. Genel a reas mab Herakles, Hyllos ha hervez doareoù all, un eil mab dezhañ, Hylas.

Ar vojenn

Karantez

Edo Herakles o klask repu e Sc'heria (marteze a-walc'h enez Korfou bremañ), war-lerc'h ur brezel. Eno e reas ur pennad kousk war lez ul lenn. En dour e oa Melite o chom gant he c'hoarezed. Pa voe kavet Herakles gant Melite e voe kuzhet ganti el lenn, da "c'hoari koukoug" gantañ. Mont a rejont d'ur penn all d'an enez da chom, ken e wilioudas Melite, ha daou vab a voe ganet ganti.

Gwarizi

Zeus a oa droug ennañ abalamour ma kave gwelloc'h d'an Naiadenn un den evel Herakles eget un doue eveltañ. Herakles a yeas da glask fred da lec'h all evel kustum, ha setu ma voe un doueez all o ouelañ dourek d'an haroz pa varvas evel an dud.

Inizi

Meur a enezenn zo bet anvet Melite: Malta, Samothrake.