Menez an Eürustedoù

Menez an Eürustedoù pe Menez ar Gwenvidigezhioù zo un dorgenn e Galilea, etre Kafarnaom ha kêriadenn Jenezared, m’en defe embannet Jezuz e « Sarmon war ar Menez » pe « Embann ar Rouantelezh » (Mz 5,1-12 ; Lk 6,17.20-26).

Menez an Eürustedoù gwelet eus Kafarnaom

Iliz an Eürustedoù, bet kensakret e 1938

Istor

E Tabgha, e tu an hanternoz, en tu all d'an hent a gas d'an eien, e oa gwechall santual kentañ an Eürustedoù, bet savet moarvat er IVe kantved ha distrujet gant kren-douar 419. Adsavet e voe nebeut war-lerc'h, ha diskaret en-dro goude an Xvet kantved.

Adalek mare ar Groazidi e voe kemeret ar pleg da lidañ embannadur an Eürustedoù uheloc'h war ar menez, 1 200 m pelloc'h, el lec'h ma weler bremañ un iliz ront bet anvet Iliz an Eürustedoù ha kensakret e 1938.

Mor Galilea gwelet eus Menez an Eürustedoù

• 
  Iliz an Eürustedoù,
• 
  En iliz
• 
  Al lenn gwelet eus an dorgenn
• 
  Aoter an iliz
• 
  Marelladur