Nebelwerfer

An Nebelwerfer ("Morter mogeder") a oa ur rummad armoù implijet gant an Alamanted e-pad an Eil Brezel-bed. Savet e oant bet da gentañ hag implijet gant ar Wehrmacht evit ar "soudarded mogeder" (Nebeltruppen). Anv an arm-se a zeu diwar ar c'hoant da dromplañ ensellerien Kevredigezh ar Broadoù, hag a ziwalle ouzh torroù Feur-emglev Versailhez. Ar re-se a soñje ganto ne oa nemet un arm evit kas moged dirak ar soudarded o vont war-raok. En gwirionez ouzhpenn kas obuzennoù moged e oa bet soñjet kas obuzennoù gas. A-benn ar fin e voe savet obuzennoù gant danvez-tarzh evit an Nebelwerfer kerkent ha ma krogas an arm da vezañ produet.

Un Nebelwerfer 15 kantimetr
Tresadennoù spiañ ar Gevredidi eus an 10 sm Nebelwerfer 40
Tennoù roketennoù ar banner Nebelwerfer e-pad Emsavadeg Varsovia

Da gentañ e oa bet kaset daou zoare morter war an tachennoù emgann a-raok ober gant doareoù banner-roketennoù disheñvel e-leizh gant mentoù obuzennoù a bep seurt, eus 15 betek 32 gantimetr. Korfoù fin-tre roketennoù an Nebelwerfer a roe an tu da ouzhpennañ kalz muioc'h a gazoù moged, pe a zanvez-tarzh evit ma oa tu gant obuzennoù ar c'hanolierezh a vent gante. Ouzhpenn-se an niver uhel a dennoù diouzh renk a roe an tu dennañ buan evit badaouiñ an enebour. Adalek kampagn ar Balkanioù, an Nebelwerfer a oa bet implijet en holl gampagnoù brezel eus arme an Trede Reich e-pad an Eil Brezel-bed.

Meur a stumm a voe roet d'an Nebelwerfer da glask reiñ d'an armoù-se rolloù niverusoc'h-niverusañ betek un doare gant roketennoù 21 c'hantimetr implijet evel arm enep-kirri-nij.

Nebelwerfer 35 10 smAozañ

Ment korf roketennoù pe obuzioù ur morter a c'hell bezañ kalz tanavoc'h evit re ar c'hanolierezh ha kas muioc'h a zanvez-tarzh pe a c'hazoù. Skourr an arme amerikan evit an armoù kimiek (US Army's Chemical Warfare Service) a ziorroas ur morter kimiek 4,2 meudad gant ar memes soñj. Kentañ arm soudarded an Nebeltruppen a voe ivez ur morter, an Nebelwerfer 35, a voe savet er bloavezh 1934.

Nebelwerfer 40 10 smAozañ

Tost adal ar penn kentañ, al lu alaman a c'houlennas ur morter, dezhañ un hed tenn brasoc'h evit hini an Nebelwefer 35 hag a oa 3 000 metrad, a-raok ma vefe bet implijet an arm war un dachenn emgann. Ret e voe gortoz Mae 1940 avat evit gwelet ar c'hentañ amprouadennoù war un dachenn emgann. Hini eus ar c'hentañ armoù ne zeree met implijet e voe o gwellañ perzhioù da sevel an Nebelwerfer 40, 10 sm. Evit ar marevezh e oa bet krouet un arm karget dre ar c'hulas mordern-tre gant ur wikefre enepkiladenn hag ur c'harr da fiñval anezhañ. A-benn ar fin e c'helle tennañ 2 wech pelloc'h evit an Nebelwerfer 35, met 8 gwech brasoc'h e oa ha koust a rae tost da zek gwech muioc'h : 1 500 Reichsmark evit 14 000 RM.