Pere Calders

Pere Calders pe Pere Calders i Rossinyol (Barcelona, 29 Gwengolo 1912 - 21 Gouhere 1994) a oa ur skrivagner hag un treser eus Katalonia. Unan eus skrivagnerien vrudetañ an XX^vet kantved eo, dreist-holl evit e zanevelloù.

Buhez

Pere Calders a oa bet ganet e 1912 e Barcelona. Studiañ a reas e Skol-Uhel an Arzoù kaer e Barcelona. Pa oa 20 vloaz e labouras evel treser ha kazetenner hag embann a reas e zanevelloù kentañ. Kenlabourat a reas gant Tisner en adsevel ar gelaouenn fentus L'Esquella de la Torratxa. E 1936 ec'h embannas e zaou levr kentañ, an dastumad danevelloù El primer arlequí hag ar romant berr La glòria del doctor Larén, a ginnig perzhioù kustum oberenn Calders, diazezet war an diskiantegezh, an dic'hortoz hag an degouezh.

E 1937, e-pad Brezel diabarzh Spagn, e emezelas a-youl vat en arme republikan, hag e labouras evel kartennaouer e Teruel. Dastum a reas e eñvorennoù eus ar mare-se el levr Unitats de xoc. Ur wech echu ar brezel, war-lerc'h ur pennad e kamp-bac'h Prats de Molló, ez eas en harlu da Vro-Vec'hiko, e lec'h ma chomas tri bloaz warn-ugent. E-keit-se e kendalc'has da embann danevelloù ha romantoù. Menegiñ a ranker Cròniques de la veritat oculta (1955) ha Demà a les tres de la matinada (1959). Distreiñ a reas da Gatalonia e 1962.

Anavezet e voe e 1979, pa voe leurennet an oberenn Antaviana, gant Dagoll Dagom, a aozas un nebeud eus e gontadennoù. Gounit a reas Priz Enor al Lizhiri Kataloniat e 1986, ha mont a reas da anaon e Barcelona d'an 21 a viz Gouhere 1994. Div zanevell diwar e bluenn eus "Cròniques de la veritat oculta" zo bet troet e brezhoneg gant Gwenael Emelyanoff hag embannet gant Al Liamm.

Oberennoù pennañ

El primer arlequí (1936)
La glòria del doctor Larén (1936)
Unitats de xoc (1938)
Cròniques de la veritat oculta (1955)
Gent de l'alta vall (1957)
Demà a les tres de la matinada (1959)
L'ombra de l'atzavara (1964)
Ronda naval sota la boira (1966)
Aquí descansa Nevares (1967)
Invasió subtil i altres contes (1978)
Antaviana (1979), amb Dagoll Dagom
Tot s'aprofita (1983)
El sabeu, aquell? (1983)
De teves a meves: trenta-dos contes que acaben més o menys bé (1984)
Els nens voladors (1984)
Tres per cinc, quinze (1984)
La cabra i altres narracions (1984)
Un estrany al jardí (1985)
El desordre públic (1984)
El barret fort i altres inèdits (1987)
Raspall (1987)
Kalders i Tísner, dibuixos de guerra a L'Esquella de la Torratxa (1991)
L'honor a la deriva (1992)
Mesures, alarmes i prodigis (1994)
La lluna a casa i altres contes (1995)
Cartes d'amor (1996)