Peter Stamm

Peter Stamm (Münsterlingen, 18 a viz Genver 1963) zo ur skrivagner hag ur c'hazetenner suis.

Er bloaz 2012

Buhez

Savet eo bet Peter Stamm e Weinfelden e kanton Thurgau nepell diouzh Lenn Konstanz. Mab ur c'hontour e oa. Goude ar skol kentañ-derez hag eil-derez e voe kaset da vezañ danvez kontour e-pad tri bloaz ha goude kontour e-pad eizh vloaz. Dibab a reas neuze distreiñ d'ar studi e skol-veur Zürich da zeskiñ saozneg, ha da studiañ an aferoù (marc'had), stlennataerezh, psikologïezh (bredonïezh), hag ar bsikopatologïezh. Hag e-pad an amzer-se en deus labouret evel medesin-deskard en ur glinikenn pe ospital ar bred. Goude bezañ bet o vevañ e New York, Pariz, ha Skandinavia, ec'h en em ziazezas e Zürich e 1990 da skrivañ hag ivez evel kelaouenner dieub. Skrivet en deus pennadoù evit da skouer an Neue Zürcher Zeitung, an Tages-Anzeiger, Die Weltwoche, hag ar gelaouenn flemmus Nebelspalter. Abaoe 1997 e skriv evit strollad skridaozañ ar gelaouenn drimiziek Entwürfe für Literatur. O vevañ emañ e Winterthur.

Skrivet en deus Peter Stamm e komz-plaen, evit ar c'hoari-pezh er radio, ha pezhioù-c'hoari all. Anavezet eo an den evit e zoare skrivañ difrom ha skañv. Abaoe 2003 ez eo ezel Stamm eus kevredigezh "Skrivagnerien Bro-Suis". E diskar-amzer 2018 e voe anvet Peter Stamm da zekvet kelenner pedet war lennegezh ar bed e skol-veur Bern. Studïet en deus Peter Stamm ar bsikologïezh ha beajet en deus kalz. Labourat a ra abaoe 1990 evel skrivagner ha kelaouenner. Skrivañ a ra en alamaneg.

E gentañ romant "Agnes" a zo bet embannet e galleg e 2000. E 2002, e voe embannet e drivet romant "Paysages aléatoires" (Dremmvro amspis, embannet e brezhoneg e 2023, bet troet gant Kristian ar Braz). Divoutin eo skridoù Peter Stamm. Sec'h e zoare da skrivañ, diardoù betek re, e seblant e dudennoù bezañ boutin a-walc'h ha koulskoude e-leizh a wask enne, un tamm heñvel ouzh doare skridoù ha filmoù Ingmar Bergman.

Skrivet en deus Peter Stamm evit ar re yaouank. Renablet eo e oberennoù gant Unvanïezh Etrebroadel al levrioù yaouankiz (IBBY).

Oberennoù

E galleg

• Agnès [« Agnes »], troet gant Nicole Roethel, Paris, éditions Christian Bourgois, 2000, 177 p. (ISBN 2-267-01548-X)
• Verglas [« Blitzeis »], troet gant Nicole Roethel, Paris, éditions Christian Bourgois, 2001, 160 p. (ISBN 2-267-01576-5)
• Paysages aléatoires 3 [« Ungefähre Landschaft »], troet gant Nicole Roethel, Paris, éditions Christian Bourgois, 2002, 220 p. (ISBN 2-267-01635-4) - Adembannet e 2015 (ISBN 978-2-267-02733-4)
• D’étranges jardins [« In fremden Gärten »], troet gant Nicole Roethel, Paris, éditions Christian Bourgois, 2004, 171 p. {{ISBN|2-267-01734-2) - Adembannet e 2015 (ISBN 978-2-267-02734-1)
• Alors on a déménagé [« Warum wir vor der Stadt wohnen »], skeudennoù gant Jutta Bauer, Genève, Suisse, Éditions Joie de Lire, 2005, 42 p. (ISBN 978-2-88258-257-7)
• Un jour comme celui-ci [« An einem Tag wie diesem »], troet gant Nicole Roethel, Paris, éditions Christian Bourgois, 2007, 238 p. (ISBN 978-2-267-01899-8)
• Comme un cuivre qui résonne [« Wir fliegen »], troet gant Nicole Roethel, Paris, éditions Christian Bourgois, 2008, 184 p. (ISBN 978-2-267-02010-6)
• Heidi [« Heidi »], hervez Johanna Spyri, skeudennoù gant Hannes Bindertrad, troet gant Genia Català, Genève, Suisse, Éditions Joie de Lire, 2009, 42 p. (ISBN 978-2-88908-003-8)
• Sept ans [« Sieben Jahre »], troet gant Nicole Roethel, Paris, éditions Christian Bourgois, 2010, 272 p. (ISBN 978-2-267-02073-1)
• Au-delà du lac [« Seerücken »], troet gant Nicole Roethel, Paris, éditions Christian Bourgois, 2012, 174 p. (ISBN 978-2-267-02278-0)
• Tous les jours sont des nuits [« Nacht ist der Tag »], troet gant Pierre Deshusses, Paris, éditions Christian Bourgois, 2014, 210 p. (ISBN 978-2-267-02685-6)
• L'un l'autre [« Weit über das Land »], troet gant Pierre Deshusses, Paris, éditions Christian Bourgois, 2017, 176 p. (ISBN 978-2-267-02986-4)
• La Douce Indifférence du monde [« Die sanfte Gleichgültigkeit der Welt »], troet gant Pierre Deshusses, Paris, éditions Christian Bourgois, 2018, 144 p. (ISBN 978-2-267-03087-7)

Prizioù

Un ugent priz bennak zo bet deroet dezhañ, en o zouez :

• 2003 : Prix des auditeurs de la RTS 2003 evit Paysages aléatoires ;
• 2006 : Honour List an International Board on Books for Young People (IBBY) evit Alors on a déménagé ;
• 2014 : Prix Friedrich Hölderlin ;
• 2017 : Prix Schiller de la Banque Cantonale de Zürich evit L'un l'autre ;
• 2018 : Prix suisse du livre evit La douce indifférence du monde.