Petit-Beurre

Ar Petit-Beurre zo ur gouign eus Naoned. Krouet e voe gant e 1886 ar greanter Louis Lefèvre-Utile, a gemeras skouer war ar c'houignoù saoz a veze graet d'ar mare-se. Ar merk Lefèvre-Utile n'eo ket perc'henn war an anv avat. Gwispidenn vrudetañ Breizh eo, berzh he deus graet er bed-a-bezh ha kopiet eo bet fonnus abaoe dibenn an XIX^vet kantved.

Ur Petit-Beurre

Ar Petit-Beurre LU

65 mm hed, 54 mm ledander ha 6,5 mm tevder eo. 8,33 gramm eo pouez an tamm. 24 fik zo war bep gwispidenn (a-hed 4 linenn ha 6 bann) kemmesket gant an enskrivadur « Lu Petit-Beurre Nantes » war teir linenn. E kreiz ar gouign emañ al lizherenn B. Un tammig skouarn zo e pep korn, 14 dant war e hed ha 10 war e dreuz, da lavaret eo 48 dant en holl. 52 eo an hollad dent ha skouarnoù eta. Kement-se a c'hall bezañ gwelet evel un deiziadur : ar pevar amzer, 24 eur an deiz, 52 sizhun ar bloavezh.

Deuet eo ar Petit-Beurre da vezañ un arouez eus Naoned, hag eus Breizh zoken.

Ar produerezh

E labouradeg An Hae-Foazer, e Gwinieg Naoned, e vez graet 9 zonenn eus ar Véritable Petit-Beurre bep bloaz, ur miliard a wispid hag 41 milion a bakadoù.

Ar rekipe hag an dielfennadur mezhur

Hervez an oberier eo graet ar Petit-Beurre gant :

• bleud gwinizh : 73,5 %
• sukr ha sukr lindr
• amann : 13,6 %
• laezh digoavenet poultr : 1,3 %
• holen
• goell kimiek : bikarbonat natriom, bikarbonat amoniom, trenkenn gitrek
• frond

Diskenn a reer laezh warn ar gwispid a-raok lakaat anezho er forn evit kaout o doare rouzet.

Degasadennoù mezhurel

	evit 100 g	evit ur wispidenn
Talvoudegezh energetek	440 kcal - 1850 kJ	36 kcal - 154 kJ
Protein	8 g	0,7 g
Glukid	73 g	6,1 g
Lipid	12 g	1 g

Petit-Beurre all

E 1891 e Hannover en Alamagn, e roas ar gevredigezh Bahlsen lusk d'ar Butterkeks, heñvel ouzh ar Petit-Beurre, anvet Leibniz-Keks en enor d'ar prederour ha matematikour Gottfried Wilhelm Leibniz. E Bro-Suis ez eus bet ijinet ur Petit-Beurre gant bent. E Madagaskar e vez graet an 18 Petits-Beurre gant an embregerezh Socobis.

Ul Leibniz-Keks