Pluton

Ur pennad Pluto zo ivez.

Pluton — Ploudon e brezhoneg —, a zo ul lesanv, a dalv kement ha pinvidigezh, a veze roet da Hades, doue an Ifernioù hag ar re varv e relijion Hellaz kozh, dre ma oa perc'henn war pinvidigezh an douar, ar speriusted, fonnusted an trevadoù; Dis Pater a veze graet anezhañ ivez, ha heñvelekaet e veze ouzh an doue Ploutos.

Romaned

Gant ar Romaned e teuas da vezañ un doue spontus. Aberzhet e veze dezhañ loened teñval o c'hroc'hen, deñved ha moc'h du, hag en e gonnar e veze fiziet an dud kondaonet d'ar marv.

Gerioù

Diwar an anv-se eo bet savet ar ger gresianek πλουτοκρατία, en deus roet ar galleg ploutocratie, ar saozneg plutocracy, an alamaneg plutokratie... a zo gouarnamant ar re binvidik.

Gwelet ivez

• Pluto
• Ploudon (planedenn gorr)