Digeriñ al lañser pennañ
Poltred un itron gant un unkorneg (Dama con liocorno)
Raffael 046.jpg
Raffaello Sanzio, 1506
Eoullivadur war goad
65 × 51 cm
Galleria Borghese

Poltred un itron gant un unkorneg zo un eoullivadur war lien lakaet war goad (65x51 cm) ha graet gant Raffaello Sanzio e 1506 ma weler un itron gant un unkorneg bihan war he barlenn.

E Roma emañ an oberenn, er Galleria Borghese. Krediñ a reer eo poltred Giulia Farnese, pried-kleiz ar pab Alesant VI. Levezonet e vije bet gant poltred Mona Lisa, graet gant Leonardo etre 1503 ha 1506.

Ster kuzhAozañ

N'ouzer ket petra zo da gompren en oberenn. Sur eo ez eus un arouez kuzh. Pe ez eo ar C'hrist an hini eo an unkorneg, evel alies e skeudennoù ar Grennamzer, pe ez eo un arouez erotek.

Istor[1]Aozañ

Lakaet e oa bet an oberenn war gont Perugino, ha goude Andrea del Sarto ha Ghirlandaio. Da gentañ e oa un itron gant ur rod hag a lavared santez Caterina d'Alessandria anezhi. N'eo nemet adalek 1935, pa voe graet ur c'hempenn d'an daolenn ha lamet al livaj a oa warni, eo e voe gwelet ar marc'h-kornek, ha lakaet Raffaello da oberour.

Ouzhpenn-se, dre skinsellout, ez eus bet kavet dindan an unkorneg, arouez ar c'hlanded, eo ur c'hi, arouez ar fealded, a oa da gentañ etre divvrec'h ar vaouez.

NotennoùAozañ