Purmerend

Purmerend (distagañ :[2]) a zo ur gumun hag ur gêr e proviñs Noord-Holland en Izelvroioù. 24,56 km2 eo gorread Purmerend (douar : 23,74 km2, dour : 0,82 km2). D'an 31 a viz Mae 2009 e oa 78 846 annezad enni. Tro-dro da bPurmerend ez eus polderioù evel hini Purmer, Beemster ha hini Wormer. Dont a reas Purmerend da vezañ kreiz kenwerzh ar rannvro, daout ma keskas goustad he foblañs. Er bloavezhioù 1960 e krogas ar boblañs da greskiñ, eus 10 000 den betek ouzhpenn 70 000. Kreskiñ a reas ivez an niver a diez, da lojañ tud a labour en Amsterdam. Kenderc'hel a ra ar c'hresk hiziv an deiz^[1]. An distrigoù da-heul a ya d'ober kumun Purmerend : Centrum ('het stadje'), Zuiderpolder, Overwhere-Noord, Overwhere-Zuid, De Gors, De Gors-Zuid, De Gors-Noord, West, Purmer-Zuid, Purmer-Noord, Wheermolen, Weidevenne, Baanstee-West, Baanstee-Oost, Baanstee-Noord, De Koog, Molenkoog ha Hazepolder. E kumun Purmerend emañ ivez Purmerbuurt hag ul lodenn eus Purmer (Purmer a zo rannet etre Edam-Volendam ha Waterland).

Ardamez Purmerend

Istor

Purmerend a voe savet diwar ar gêriadenn pesketaerien anvet Purmer, hag a zo etre teir lenn : Purmermeer, Beemstermeer ha Wormermeer. Purmerend a voe savet gant ur bankour pinvidik eus Amsterdam, Willem Eggert e anv. E 1410 e voe aotreet da sevel e gastell dezhañ, Slot Purmersteijn e anv, gant ar c'hont Willem VI Holland. Chanter sevel ar c'hastell a voe echu e 1413^[2] ha distrujet e voe e 1741^[3] E 1434 e voe roet gwirioù-kêr da bPurmerend. D'an 21 a viz Ebrel 1484 e voe roet “marktrechten”, da lavaret eo gwir da aozañ daou varc'had ar bloaz (“jaarmarkten”) hag ur marc'had sizhuniek (“weekmarkt”) gant ar c'hont Jan van Egmond.^[2]^[4]^[5] Ar pezh a dalveze e c'helle gwerzherien diavaez Purmerend kinnig o marc'hadourezh er marc'had. A-raok 1484 e veze aotreet gwerzhañ boued da boblañs Purmerend nemetken.^[6].

Slot Purmersteijn

Purmerend e 1674

E 1500 e oa kresket Purmerend da vat, evel ma c'haller gwelout war gartennoù savet d'ar mare-se. Pa voe dizouret Beemstermeer e 1612 ha Purmermeer e 1622 e voe kollet kalz lec'hioù pesketa. Met pinvidik e oa an tachennoù gounezet war an dour, neuze e reas berzh Purmerend en-dro, hag ar brzh-se a oa diazezet war al labour-douar. D'ar 14 a viz Mae 1940 e voe aloubet Purmerend gant ar Wehrmacht, ha dieubet e voe d'an 9 a viz Mae 1945 gant arme Kanada^[7]. E 2003 e voe lakaet Purmerend da gKermisstad van Nederland^[8] (kêr foar an Izelvroioù) e 2003. Ouzhpenn ar foar ez eo brudet Purmerend peogwir e vez aozet enni ur marc'had chatal (deñved ha saout dreist-holl) anvet. Difennet e voe pa voe kleñvedoù-red e-touez al loened (1995 – 2001) hag aotreet en-dro e miz Genver 2002.^[4].

Douaroniezh

Skeudenn eus Purmerend tapet eus ul loarell

Purmerend a zo lec'hiet en un tiriad gleborek anvet Waterland. Pa grogas an dud da labourat an douar e oa taouarc'h anezhañ dreist-holl, hag e touljont fardelloù kenstur an eil egile da zizourañ an douar. Met kregiñ a reas an douar da sankañ en dour, neuze e voe dalc'hmat an dud o stourm ouzh an dour, ha tost dibosupl e voe kenderc'hel da labourat an douar. Ar pezh a dalveze ivez e oa ret sevel kement savadur raktreset war douaroù artifisiel pe war dorgennoù.

Transportoù

Tramplein

Kirri-boutin Purmerend a gas da Amsterdam, hag un tren a zo da vont di ivez, dre Zaandam.

Tri zi-gar a zo e Purmerend : Purmerend Weidevenne, Purmerend ha Purmer Overwhere. "Tramplein" eo anv ti-gar kirri-boutin Purmerend.

Kuzul-kêr

E kuzul-kêr Purmerend ez eus 35 dileuriad :

Strollad: PvdA VVD Leefbaar Purmerend SP CDA AOV Stadspartij P'93 GroenLinks D66 \|\| Dileuridi: 9 dileuriad 6 dileuriad 5 dileuriad 4 dileuriad 3 dileuriad 3 dileuriad 2 zileuriad 2 zileuriad 1 dileuriad

Bet ganet e Purmerend

Jan Stuyt (1868), arkitektour
Pieter Oud (1886), ministr an argant ha maer Rotterdam
Jacobus Oud (1890), arkitektour
Mart Stam (1899), arkitektour, kêraozer, dizagnour kadorioù
Hans Klok (1969), strobineller
Vincent van der Voort (1975), c'hoarier biroù

Gevellerezh

Jihlava, Republik Tchek^[9]^,^[10]^,^[11].

Liamm diavaez

Lec'hienn ofisiel Purmerend

Notennoù

Commons

Muioc'h a restroù diwar-benn

Purmerend

a vo kavet e Wikimedia Commons.

Porched an Izelvroioù – Adkavit pennadoù ha rummadoù Wikipedia a denn d'an Izelvroioù.

[1] ttp://en.wikipedia.org/wiki/Randstad

[ref3-2] 2,0 ha^2,1 https://web.archive.org/web/20050829005422/http://www.waterlandziekenhuis.nl/frames.html?readform

[3] ttps://web.archive.org/web/20110724154845/http://www.kasteleninnoordholland.nl/Kasteelbeschrijvingen/PurmersteinPurmerend.htm

[ref2-4] 4,0 ha^4,1 https://web.archive.org/web/20090701052519/http://www.purmerend.nl/eCache/INT/102.html

[5] Museum of Purmerend -

[6] ttps://web.archive.org/web/20070818185016/http://www.purmerendsmuseum.nl/nl/museum_en_collectie/purmerend_marktstad/

[7] ttps://web.archive.org/web/20110522133231/http://www.nieuwsbank.nl/inp/2005/05/05/R058.htm

[8] ttps://archive.is/20120910040250/http://www.plaatsen-gids.nl/Purmerend/

[9] Lec'hienn ofisiel Purmerend -

[10] Lec'hienn ofisiel Jihlava -

[11] siel Leen Verbeek (maer Purmerend) - [1]

[1]

[2]

[3]

[4]

[5]

[6]

[7]

[8]

[9]

[10]

[11]