Pwyll, priñs Dyfed

Pwyll, priñs Dyfed, pe Pwyll Pendefig Dyfed, eo anv skourr kentañ ar Mabinogi.

Pwyll o chaseal, e Glyn Cuch - emañ Arawn en a-dreñv - en deus iset e gon war ar c'harv (engravadur eus levr Charlotte Guest,
ar Mabinogion
(eil embannadur skeudennet, 1877))

An danevell

Emañ Pwyll, roue Dyfed o chaseal un deiz e Glyn Cuch, nepell diouzh e lez en Arberth. Emañ e gon war-lerc'h ur c'harv hag a zo lazhet gant un den all. Arawn roue Annwn eo ar chaseour arall. Tamall a ra da Bwyll bezañ iset e gon war e garv, un dra dizereat. Evel digoll e kinnig dezhañ kemer e stumm hag e lec'h evel roue Annwn e-pad bloaz, tra ma vo-eñ e-lec'h Pwyll e lez Dyfed. En Annwn en em gann Pwyll gant Hafgan, enebour Arawn, ha trec'hiñ warnañ. Mignoned e teuont da vezañ penegwir, evitañ da gousket gant gwreg Arawn, n'en deus ket stoket outi.

Degouezhout a ra Pwyll gant Rhiannon, ur gaer a vaouez en he sae sidan alaouret war ur marc'h gwenn.

Dimeziñ a reont, ur mab o deus. En noz war-lerc'h ar gwilioud ne gaver ket ar bugel ken, ha tamallet eo Rhiannon da vezañ muntrerez.

Dont a ra ar bugel war wel e lez ar roue Teyrnon, en deus ur gazeg zo o paouez ebeuliñ. Met nijet kuit eo an ebeul hag en e lec'h ez eus ur babig. Hag eñ hag e wreg da advabañ ar bugel. Kreskiñ a ra ar bugel, ha Teyrnon a gav e tenn kenañ d'ar roue Pwyll. Neuze e kas anezhañ da Bwyll ha Rhiannon, a ro an anv Pryderi (preder, nec'hamant) dezhañ.

Ar skrid

• Ifor Williams (embanner), Pedeir Keinc y Mabinogi, Kerdiz, 1930. Meur a adembannadur zo bet goude.

Lenadurezh

• Philippe Jouët, Aux sources de la mythologie celtique, Yoran embanner, Fouenant, 2007, (ISBN 978-2-914855-37-0)

Liammoù diavaez

• (cy) Ar skrid krenngembraek
• (en) Powel, Prince of Dyfed dastumet gant Joseph Jacobs e-barzh More Celtic Fairy Tales.
• (fr) Les Mabinogion Skrid gallek