Republik Genova
Republik Genova ( Repubblica di Genova en italianeg, Repubrica de Zena en ligureg, Respublica Genuensis en latin), anvet en ofisiel, ha betek 1528, Compagna Communis Ianuensis hag adal 1580 Serenissima Repubblica di Genova - brudet evel La Superba, La Dominante, La Dominante dei mari, La Repubblica dei magnifici - a oa ar stad krouet e kêr Genova, hag a rene e Liguria ha douaroù stag outi adal 1096 - pa en em zistagas a-nebeudoù diouzh an Impalaeriezh santel roman german - betek 1815 - ma voe savet, da vare an Dispac'h gall, ar Republik Ligur.
![](http://upload.wikimedia.org/wikipedia/commons/thumb/8/8f/Map_italy_monferrato_CG_67_CARTA_GEOGRAFICA_la_quale_rappresenta_lo_stato_della_REPUBBLICA_DI_GENOVA_partita_nella_Riviera_di_Levante_e_di_Ponente.jpg/220px-Map_italy_monferrato_CG_67_CARTA_GEOGRAFICA_la_quale_rappresenta_lo_stato_della_REPUBBLICA_DI_GENOVA_partita_nella_Riviera_di_Levante_e_di_Ponente.jpg)
![](http://upload.wikimedia.org/wikipedia/commons/thumb/1/16/Italy_northern_1796.jpg/220px-Italy_northern_1796.jpg)
Klasket e voe adsevel ar Republik Ligur, goude diskar Napoleon, e 1815, met e Kendalc'h Vienna e voe roet douaroù Republik Genova da Rouantelezh Sardigna.
Genova a voe trec'h war republik Pisa en emgann ar Meloria e 1284 evit ar vestroni war Mor Tirrenia ha kevezerez Venezia e voe evit mestroniañ kenwerzh ar mor Kreizdouar.
Istor
kemmañEus "Compagna Communis" d'an dogeed
kemmañGenova a groas da vout emren diouzh an Impalaeriezh santel roman german war-dro 1096, evel libero comune, ha perzh a gemeras er groaziadeg kentañ (ma rae gant ar groaz ruz war he skoed). Da gentañ e oa anvet Compagna Communis, ha ne deuas an anv "repubblica" , en un doare ofisiel, nemet e 1528 implijet gant an amiral Andrea Doria.