Sant-Kast

Sant-Kast a zo ur gumun a-wezhall eus Breizh e departamant Aodoù-an-Arvor. Ul lodenn eus kumun Sant-Kast-ar-Gwildoù eo bremañ.

Istor

• Ur barrez eus eskopti Sant-Brieg gwechall e oa. Anv a reer eus insulam Sancto Casto, "enez Sant-Kast", e 1163, en ur builh gant ar pab Aleksandr III, a veneger ennañ an douaroù hag ar savadurioù a oa e dalc’h abati Sant-Yagu. Hag ur barrez distag e oa e 1225.

XVIII^vet kantved

• Eno e c'hoarvezas emgann Sant-Kast, etre Gallaoued ha Saozon, d'an 11 a viz Gwengolo 1758.

Dispac'h Gall

• E 1790 e voe krouet kumun Sant-Kast.

XIX^vet kantved

• E 1856 e voe tennet douaroù karter Santez-Berc’hed diganti d’o stagañ ouzh kumun nevez-savet Itron-Varia-ar-Gwildoù.

Brezel-bed kentañ

• Mervel a reas 80 gwaz abalamour d'ar brezel hervez monumant ar re varv, da lavaret eo 3,85 % ag ar boblañs hervez an niveradeg bet graet e 1911.

Eil Brezel-bed

• Mervel a reas 23 den ag ar gumun abalamour d'ar brezel.

Trevadennoù

• Maroko: ur soudard a varvas e 1947.
• Brezel Indez-Sina: mervel a reas daou vilour er Viêtnam.
• Brezel Aljeria: mervel a reas ur soudard e 1958.

Krouidigezh kumun Sant-Kast-ar-Gwildoù

• E miz Kerzu 1971 e oa bet unanet Sant-Kast gant bourc'h Itron-Varia-ar-Gwildoù, en aber ar stêr Argenon, da vont d'ober ur gumun hepken, kumun nevez Sant-Kast-ar-Gwildoù.

Monumantoù ha traoù heverk

• 
  An iliz katolik.

• Iliz katolik Sant Kast.
• Monumant foran ar re varv e-tal an iliz katolik, luc’hskeudenn ha kartenn-bost . E miz Here 1921 e voe dioueliet.
• Monumant ar re varv en iliz katolik, luc’hskeudenn.

Melestradurezh

• Yves Tourneuf a oa maer e 1792, Quema a oa maer e 1837 hag e 1860.

Pennadoù kar

• Itron-Varia-ar-Gwildoù,
• Sant-Kast-ar-Gwildoù.