Digeriñ al lañser pennañ
Laouer-vaen ar faraon Merenptah
Laouer-vaen Frederik II, Palermo
Aspadennoù eus an Henamzer en Afrodisias, Turkia
Laouer-vaen kartadat eus ar V kantved kent J.K.

Ul laouer-vaen zo un endalc'her maen da lakaat ur c'helan pe un arched.

IstorAozañ

Skrivañ a rae Herodotos, an istorour gresian eus ar Vvet kantved kent J.K., e veze benet al laoueroù-maen kentañ en ur seurt maen ispisial a lakae kig ar c'helanoù a oa enne da vont buanoc'h da get, alese an anv latin sarcophagus, eus an henc'hresianeg sarx "kig" ha phagein.

Al laoueroù graet gant maen-raz eus Assus e Troad, anvet lapis Assius, o dije bet ar perzh da lakaat ar c'horfoù lakaet enne da goazhañ, ha dre se e veze anvet ivez sarkophagos lithos "maen debrer-kig". An holl laouerioù graet diwar maen-raz o deus ar perzh-se, muioc'h pe nebeutoc'h, hag en diwezh e voe implijet an anv-se evit envel an archedoù maen dre vras.

En Henegipt e veze graet gant laoueroù-maen evit gwareziñ balzamegennoù an uhelidi, gant meur a charke lakaet e-barzh, an eil en egile. Graet e veze neb ânkh "Mestr ar vuhez" eus ul laouer-maen a-seurt-se, hag a arouezie ur skaf e kredennoù Henegiptiz.