Sgt. Pepper's Lonely Hearts Club Band (albom)
| Sgt. Pepper's Lonely Hearts Club Band (albom) | |||||
| Albom gant The Beatles | |||||
| Golo | |||||
| Bro | .svg){kind=small} Rouantelezh-Unanet
| ||||
|---|---|---|---|---|---|
| Embannadur | 26 a viz Mae 1967 | ||||
| Enrolladur | Studioioù Abbey Road & Regent Sound, Londrez | ||||
| Pad | 39:36 | ||||
| Produer | George Martin | ||||
| Label | Parlophone | ||||
| Albomoù The Beatles | |||||
|
|
||||
kemmañ  |
|||||
Eizhvet albom ar Beatles eo Sgt. Pepper's Lonely Hearts Club Band, embannet d'ar 26 a viz Mae 1967 er Rouantelezh-Unanet. An albom kentañ savet goude paouez gant an troiadoù an hini eo ha mont a ra pelloc'h c'hoazh war-zu doareoù nevez da skrivañ, seniñ hag enrollañ kanaouennoù. Nevez eo an doare da sevel ar golo, leun a livioù hag gant tresadennoù un aridennad tud vrudet. Tost a-walc'h eus goulennoù an amzer emañ hag ur rakwel eo eus Hañvez ar Garantez o tont.
Krouidigezh Sgt. Pepper's Lonely Hearts Club Band zo bet evit McCartney un doare da stourm a-enep an dic'hoant savet goude paouez an troiadoù hag an heug savet diwar ar Beatlemania. Gant istorourien ar sonerezh eo lakaet an albom da vezañ unan eus albomoù-meiziad kentañ. Labourat a ra dizehan ar strollad war doareoù nevez da añrejistriñ, da seniñ ha da aozañ ar c'hanaouennoù. Diwar ar memes prantadoù-enrollañ e teu ar single-doubl Strawberry Fields Forever ha Penny Lane, embannet e miz C'hwevrer 1967 da lakaat an dud da c'hortoz : ar wezh kentañ e chome an dud hep selaou un albom gant The Beatles da Nedeleg abaoe 1962. Ne oa ket lakaet an div ganaouenn-se e-barzh ar bladenn avat.
E Breizh-Veur e tremen Sgt. Pepper's Lonely Hearts Club Band seizh sizhun warn-ugent e penn ar rolloù, ha merket eo gant burutelladennoù mat-tre, kement ha ma oa bet choazet gant ar gelaouenn Rolling Stones evel gwellañ albom istor ar sonerezh.
Listenn ar c'hanaouennoù
kemmañHoll ganaouennoù savet gant Lennon/McCartney, war-bouez ar re ma'z eo merket anv unan all.
Tu kentañkemmañ
|
Eil tukemmañ
|
Fichenn-broduiñ
kemmañThe Beatles
- John Lennon : gitar tredan, gitar akoustik, orglez Hammond, harmonika, efedoù son, taboulinoù, kan
- Paul McCartney : gitar boud, gitar akoustik, piano, orglez Hammond ha Lowry, efedoù son , kan
- George Harrison : gitar tredan, gitar akoustik, gitar-boud, sitar, tamboura, swarmandal, efedoù son, kan
- Ringo Starr : toumperezh, timbaloù, benveg-tosiñ, kan war With a Little Help From my Friends
Sonerien ouzhpenn
- George Martin : produiñ, meskañ, piano, klavier, harmonioù, orglez Lowrey ha glockenspiel, orglez Hammond.
- Sounds Inc. – saksofonoù, trombonoù ha kor gall war "Good Morning Good Morning"
- Neil Aspinall – tambura, harmonika
- Geoff Emerick – ijinour son; tape loops, efedoù son
- Mal Evans – kontañ, harmonika, dihuner, piano
- Sonerien prantadoù – pevar c'hor gall war "Sgt. Pepper's Lonely Hearts Club Band": Neill Sanders, James W. Buck, John Burden, Tony Randall, sonaozet ha koñduet gant Martin ha McCartney; kerdin ha telenn war "She's Leaving Home", sonaozet gant Mike Leander ha koñduet gant Martin; tabla gant Natwar Soni, dilrubaoù gant Anna Joshi hag Amrit Gajjar, ha tambura gant Buddhadev Kansara war "Within You Without You", gant eizh bioloñs ha pevar gourrebed sonaozet ha koñduet gant Harrison ha Martin; triad treujennoù-gaol war "When I'm Sixty-Four": Robert Burns, Henry MacKenzie, Frank Reidy, sonaozet ha koñduet gant Martin ha McCartney; saksofonoù war "Good Morning Good Morning", sonaozet ha koñduet gant Martin ha Lennon; hag ul laz-seniñ daou-ugent benveg, gant kerdin, binvioù-avel, kouevr ha taboulunoù war "A Day in the Life", sonaozet gant Martin, Lennon ha McCartney, ha koñduet gant Martin ha McCartney.