Sotchi

Sotchi (rusianeg: Со́чи; adigeg: Шъачэ, Cheuatcha), a zo ur gêr eus Rusia war ribl ar Mor Du, e rannvro Krasnodar. Diazezet e voe e 1838 gant ur c'hreñvlec'h rusian. Ur gêr gouronkañ vrudet eo hiziv. Eno e oa bet dalc'het C'hoarioù olimpek goañv 2014 ; en he fark olimpek emañ Priz Bras kirri Rusia ar Formulenn 1 hiziv. Krogadoù Kib vell-droad ar bed 2018 zo bet eno ivez.

Gwelloù eus Sotchi, E krec'h : C'hoariva goañv Sotchi, Eil a-gleiz : ur monumant eus an arc'hael Mikhael e Kurorthy Prospekt, Eil a-zehoù : Porzh-houarn Sotchi, Trede a-gleiz : Sinema Svobodny Perevlok, Trede a-zehoù : Iliz-veur Arc'hael Mikhael Sotchi, En traoñ : porzh Sotchi.

343 334 annezad he doa e 2010 hervez an niveradeg dalc'het ar bloaz-se, un niver n'en deus ket paouezet da greskiñ kement ha ken kaer ma oa 368 011 annezad e 2013 hag eo bet braskontet 424 281 anezho e 2018 (+23.6%).

Tud dibar

Tud ganet eno

• Yevgeny Kafelnikov (1974), c'hoarier tennis
• Boris Nemtsov (1959 - 2015), politikour

Gweladenner

• Pablo Neruda a voe eno e 1962, un dro evit skrivañ div destenn e-pad e chomadenn (e « Memorial de Isla Negra »)

Gevelliñ

• Cheltenham (Bro-Saoz)
• Menton (Bro-C'hall)
• Rimini (Italia)
• Espoo (Finland)
• Long Beach (Kalifornia) (SUA)
• Trabzon (Turkia)
• Pärnu (Estonia)
• Weihai (Republik Pobl Sina)
• Volos (Gres)
• Akapulko (Mec'hiko)
• Salé (Maroko)