Stroll-skol Sant-Frañsez Itron Varia Lesneven

Stroll-skol Sant Frañsez Itron Varia^[1] zo un ensavadur deskadurezh katolik ha prevez evit ar baotred digoret e 1835 e Lesneven. E anv boutin e-pad meur a vloaz a voe Skolaj Sant-Frañsez. Lesanvet eo bet "ENA^[2] vihan Bro-Leon", ken niverus eo bet an dud stummet enni hag a zo deuet da vezañ illur e Breizh. Hiziv e endalc'h ur skolaj hag ul lise hollek ha teknologel dindan gevrat gant ar Stad, goude bezañ bet lec'h ur skol kentañ-derez, ur greizenn stummadur tiegezh hag ur skol uhel evit ar sternidi. Bez' ez eus un hentenn divyezhek galleg-brezhoneg e pep rann ivez.
Teuzet e voe bet gant Skol Itron Vari Lourd hag eo aet da vezañ ur stroll-skol gant deskadurezh eil derez kevrennoù goudebak.

Istor ar skolaj

Skolaj ar gumun

Herve Roudaut, person Plouneour-Traezh, hag a oa bet pennrener Skolaj Kemper a-raok an Dispac'h gall, a soñjas sevel ur skolaj e-barzh leandi kozh ar Récollets e Lesneven. Prenañ a reas an darn vuiañ eus ar savadurioù ha gallout a reas degemer ur c'hant skolajiad bennak enno. Dre ordrenañs ar roue Loeiz-Fulup embannet d'an 10 C'hwevrer 1835 e voe anvet ar skol nevez da skolaj-kumun hag e grouer da bennrener.

Ensavadur Sant-Frañsez a Asiz

E 1908 e voe digoret skol kentañ-derez an Itron Varia. E 1914 e voe kemmet an anv da Ensavadur Sant-Frañsez a Asiz. Diwar al lezennoù a verze an darn vuiañ eus ar c'henvreuriezhoù relijiel e voe serret ar skolaj-kumun. War al lec'h e voe staliet ur skol gant kelennerien lik pe ziveleget, dindan pennrenerezh an aotrou Alain Moenner. Pelloc'h e voe erlec'hiet gant an Aotrou Dujardin.

E Gwengolo 1940 e krogas kevarzhe ar gerent^[3] hag an Amicale des Anciens élèves et maîtres du collège de Lesneven gant embann dur "Bulletin trimestriel de l'ïnstitution Saint-François", ur gelaouennig trimiziek ezhañ ar pal stourm a-enep d'an alkoolegezh, met e zeuio da vezañ ur gelaouenn skol ordinal hag ul liamm gant ar soudarded, diskibien ha mistri, a oa bet kaset d'ar brezzl

Skolaj-Lise Sant-Frañsez

Eil-brezel-bed

D'an 12 a viz Du 1939 e voe dilojet ar skolaj evit reiñ al lec'h d'an "Hospital General n° 8" meret gant Lu Bro-Saoz ha ne deuas ket an ensavadur en-dro a-raok Meurz 1940.

E 1961 e voe kevratet ar skolaj hag al lise dindan an anv Skolaj-Lise Sant-Frañsez.

Tud illur bet studierien ennañ

Levrlennadur

Michelle Sénant-Lossouarn, Saint-François de Lesneven : un collège au cœur de la Seconde Guerre modiale, Gourin, Éditions des Montagnes Noires, 2020. (ISBN 978-10-97073-61-9)
Claude Le Menn, Saint-François de Lesneven : 1625-2005, emb. gant an oberour, 2005, 187 p. (ISBN 978-2-9524027-0-5)
Claude Le Menn raconte Saint-François. In : Le Télégramme, 19 Ebrel 2005.

Notennoù ha daveennoù

↑ (fr) Anv ofisiel brezhonek dispaket war lec'hienn an ensavadur.. Kavet : 08/10/2020.
↑ École nationale d'administration (Skol vroadel amazhierezh).
↑ Association des parents de l'Enseignement libre (APEL, section du collège.

[1] (fr) Anv ofisiel brezhonek dispaket war lec'hienn an ensavadur.. Kavet : 08/10/2020.

[2] École nationale d'administration (Skol vroadel amazhierezh).

[3] Association des parents de l'Enseignement libre (APEL, section du collège.

[1]

[2]

[3]