Strollad Tea Party

Strollad Tea Party (saozneg : Tea Party movement, TPM) a zo ur strollad politikel nargennus ha diseurt stadunanat a sav a-enep ar Stad kevreadel hag an tailhoù.

Deuet eo ar strollad-se war-wel e-pad prezidantelezh Obama, da vare enkadenn ekonomikel 2008-2010. Sevel a ra izili Te Party a-enep dispignoù ar Stad, e-keñver skoazellañ ar sistem argant hag adreiñ nerzh d'an armerzh, hag ivez e-keñver aozañ ur sistem surentez sokial boutin e SUA (Patient Protection and Affordable Care Act).

Goulenn a ra izili Tea Party ma vo distroet da ziazezoù ar vro, se zo kaoz e reont gant doareoù a denn da Vrezel dieubidigezh SUA. Un dave da Tea Party Boston eo anv ar strollad, diwar hini un darvoud istorel a c'hoarvezas e penn-kentañ an Dispac'h amerikan a-enep roueelezh Breizh-Veur en 18vet kantved.

izili vrudet

Da-geñver dilennadegoù 2010 e SUA e voe dilennet 3 senedour ha 60 kannad republikan (diwar 83 anezho) a sav a-du gant Tea Party^[1].

Ron Paul (ganet e 1935) : ezel eus ar Strollad republikan, bet kannad Texas e Kambr kannaded SUA etre 1976 ha 1985, ha dilennet en-dro abaoe 1997. Bet eo war ar roll evit bezañ prezidant SUA e 1988 gant ar Strollad libertarian, ha war ar roll kadoridigezh evit bezañ prezidant ivez e 2008 en anv ar Strollad republikan.
Rand Paul (ganet e 1963) : mab Ron Paul, bet dilennet senedour Kentucky en anv ar Strollad republikan^[2].
Sarah Palin (ganet e 1964) : ezel eus ar Strollad republikan, bet gouarnourez Alaska, bet war ar renk evit bezañ bezprezidantez SUA da-geñver dilennadeg 2008 gant John McCain^[3].
J. D. Hayworth : bet dilennet e Kambr kannaded SUA^[4].
Sharron Angle : bet senedourez Nevada, trec'het e 2010. Liammet ouzh ar skiantologiezh. Soñjal a ra dezhi ez eo tommadur an hin un dra ijinet diwar «skiantoù touellus», goulenn a ra ma yelo kuit SUA diouzh ABU, ha goulenn a ra ivez ma vo divodet ministrerezh an deskadurezh^[5].
Christine O'Donnell : bet war ar renk en anv ar Strollad republikan evit bezañ senedourez Delaware^[6].
Michele Bachmann : kannadez Minnesota.
Marco Rubio : dilennet senedour Florida da-heul dilennadegoù miz Du 2010.
Ron Johnson : senedour Wisconsin.
Pat Toomey, dilennet senedour Pennsylvania e 2010.
Nikki Haley : dilennet gouarnourez Carolina ar Su e 2010.

Notennoù

↑ « For tea party, victories may trigger identity crisis », The Washington Post, 4 a viz Du 2010
↑ Richard Hétu, « Un croisement entre Ron Paul et Sarah Palin », Le blogue de Richard Hétu, 19 a viz Mae 2010
↑ « Campaign 2010: The Politics of Palin », The Washington Post, 22 a viz Du 2010.
↑ Vanessa Gaudoin-Haustein, « Tea party, les anti-Obama s’organisent », Témoignage chrétien, 13 a viz Mae 2010
↑ « Reid, in Fistfight, Could Take More Punches From Climate Bill », The New York Times, 26 a viz Mae 2010 : « the umpire on fraudulent science such as global warming ».
↑ Time Magazine, 27 a viz Gwengolo 2010, p. 18-19

[1] « For tea party, victories may trigger identity crisis », The Washington Post, 4 a viz Du 2010

[2] Richard Hétu, « Un croisement entre Ron Paul et Sarah Palin », Le blogue de Richard Hétu, 19 a viz Mae 2010

[3] « Campaign 2010: The Politics of Palin », The Washington Post, 22 a viz Du 2010.

[4] Vanessa Gaudoin-Haustein, « Tea party, les anti-Obama s’organisent », Témoignage chrétien, 13 a viz Mae 2010

[5] « Reid, in Fistfight, Could Take More Punches From Climate Bill », The New York Times, 26 a viz Mae 2010 : « the umpire on fraudulent science such as global warming ».

[6] Time Magazine, 27 a viz Gwengolo 2010, p. 18-19

[1]

[2]

[3]

[4]

[5]

[6]