Suzanne Bernard
Suzanne Bernard (Troyes, 1893[1] – Étampes, 10 a viz Meurzh 1912) a voe ul levierez c'hall.
 Suzanne Bernard
| |
|---|---|
 D'ar 1añ a viz Mae 1912 | |
| Ganedigezh | 1893 Troyes |
| Marv | 10 Meurzh 1912 Étampes |
| Broadelezh |  Gall
|
| Micher | Levierez |
D'an 2 a viz Gouere 1911 e voe he nijadenn gentañ, a-hed 64 km war bourzh an aervag Aube kaset gant al levier Darsonval. Adalek miz Here e heulias kentelioù leviañ.
D'an 10 a viz Meurzh 1912 e tremenas he breved levierez e nijva Étampes ; mat e oa bet an daou amprou kentañ met en trede, hini an uhelder, e c'hwitas war ur c'horn-tro hag an nijerez Farman III da droidellat kent flastrañ war an douar. War an taol e voe lazhet al levierez yaouank, oadet 19 vloaz hepken[2].
Mard he devije bet he breved en deiz-se e vije bet Suzanne Bernard unan eus an dek levierez kentañ brevedet gant an Aéro-Club de France.
E bered Troyes e voe beziet d'an 12 a viz Meurzh, ambrouget gant un niver bras a nijerien deuet eus Bro-C'hall hag eus broioù all[3].
Notennoù
kemmañ- ↑ (fr) L'Illustration niv. 3603, 16/03/1912
- ↑ (fr) MANON, Hélène & HERRMANN, Léon : Eclats de Guerre et d'Amour – Seconde partie : janvier - septembre 1918, Z4 Éditions, 2016 (ISBN 978-1-326-45216-2) – Lenn en-linenn. Kavet : 24 Mezheven 2019.
- ↑ (fr) 'Corpus étampois'. Kavet : 24 Mezheven 2019.
